今日有幸可以同柔柔率先試玩全球首個最大型嘅Messy Play Carnival HK 嘉年華，場地有成28,000尺，真係又大又好玩，我同柔柔都過了一個充實又愉快的下午！ 全場設有三大感觀體驗區，分別為：   -感觀發展區 利用日常生活常見的天然材料，如麥皮、粟米、天然泥膠、麵粉、雜豆、米、通粉、餅乾碎，再配合不同的工具，讓孩子用自己的方法去探索丶玩樂 -五官體驗區 共四個主題區，包括大步走、猜猜我是誰、10米忙碌板(busy board)，感官瓶(sensory bottles)   最正係10米busy board，裡面有齊好多小朋友平常被禁玩嘅物品，例如電製丶門鎖丶拉鍊等等，任按唔嬲，對佢地黎講簡直係大解放，柔柔玩到超忙碌！除左可以滿足小朋友的好奇心，仲可以訓練手眼協調能力、小手肌及觸覺。 -自由創意區 小朋友可以喺共長28米x 15米嘅自由創意區，利用不同質感嘅安全顏料同工具自由發揮！除左畫喺布上，仲可以幫唔同既立體紙屋同紙船填顔色。不過整污糟件衫都唔怕，其實只需用水已經可以輕易將顔料洗掉。 全場不停播住輕快的兒歌，仲不時有泡泡飄散，柔柔見到都好興奮，成個氣氛都好開心！ 不得不提的係場地配套都做得好好，設有多個獨立育嬰室丶bb車停泊區丶儲物櫃丶babyganics消毒用品等，而在場的工作人員姐姐都好有愛心同耐性。   提提大家，記得多帶一套衣物俾小朋友作不時之需啊！   ===================== Messy Play Carnival HK 日期：2019年27 – 29日 時間：上午10時至中午12時/ 下午1時至3時/ 下午4時至6時(一天共3場） 地點：九龍灣國際展覽中心3樓匯星 票價： 親子套票$480元（一大一小） 小童$380元（6個月以下幼兒免費） 成人$120元   Messy Play Carnival HK快達票即時買飛傳送門： https://premier.hkticketing.com/shows/show.aspx?sh=MESSY0919&langpref=zh-cht   ============== 四月媽媽手記 Fb: https://facebook.com/april.mamama Instagram:  https://instagram.com/april.mamama Email: aprilhui412@gmail.com