中午12點開始落催生藥，真係話都無咁快就開始陣痛，12:30到有醫生入黎人手穿水，上網見其他媽媽自然穿水係唔痛，但人手穿水係好痛，醫生照舊伸到好入同你攪，穿左個下就會feel到有少量水流出黎，個感覺似M到咁 穿左水之後老公終於可以入黎陪我，原諒鋼牙媽無留意到個陣痛頻率，總之頭6個鐘陣痛同陣痛之間係有些少時間比你休息，笑氣係依段時間亦係有幫助，但你依然感覺到痛 大約3:00左右，姑娘入黎通知我，有另一位緊急產婦要入黎我間產房生bb，我心諗「什麼？！唔是要我走掛，我行唔郁啵」，因為唔使要我批准所以姑娘講完就行出去推個產婦入黎，係我對面個空位set儀器然後接生，我隔住個屏風一路聽住個位媽媽尖叫，4:00左右對面個bb終於出世，護士推走媽媽同bb走之後轉頭就拎個兜入黎叫得屙尿但我控制唔到亦唔知自己有無屙，反正姑娘話要插尿喉，人生第一次插尿喉⋯⋯⋯⋯⋯感覺唔良好而且插完尿喉硬係會就住就住咁 係依6個鐘入面，姑娘入左黎鬧左我幾次唔好典黎典去，個胎心機會量唔到bb心跳，但實情係條腰好痛，不自覺就會典黎典去，到左夜晚6點終於有醫生黎睇我了，無錯，我痛左6個鐘係得護士入黎鬧2句就無其他人入黎做檢查，一係無人黎睇我一係一個白袍醫生帶住3個實習醫生入黎睇我，白袍醫生伸手入去檢查，結果係⋯⋯⋯一度都無開，我個下幾咁崩潰，痛左6個鐘居然無開過，然後白袍醫生叫3位實習輪流咁伸手入去感受下咩叫子宮頸無開到，當我諗緊醫生係咪打算同我開刀時，白袍醫生同我講「媽媽，你仲後生，我依家幫你人手開個子宮頸等你可以順產，忍住呀」，講完就伸入黎，個下我終於知道咩叫拳交⋯⋯因爲事後老公同我講返白袍醫生係5隻手指伸曬入去⋯⋯好唔容易捱過左一次拳交，白袍醫生叫3位實習輪流人手幫我開子宮頸，變相我經歷左4次拳交⋯⋯   打到依個位，我都仲有少少隱隱作痛ge感覺⋯⋯⋯明天繼續講埋下集二，打文都打到我額汗⋯⋯⋯⋯