早幾日就係菠蘿包去醫院見物理治療師做評估既日子啦！ 治療師了解菠蘿包日常既生活情況， 之後就係評估遲緩左幾耐。。 傾計之下治療師話菠蘿包己經好叻仔！ 好多因為大頭既bb黎做物理治療係爬唔到， 頭太重抬唔起要大人用手抬住個頭先爬到。 真係好感恩。。原來你一直都好努力抬頭。。 評估結果出左菠蘿包比同齡既遲左二個月！ 我地一齊再更加努力練習一定好易追番黎！ 治療師話菠蘿包腳比較弱雞， 企係到都係靠雙手用力支撐。 平衡力好差！就算第日做左物理治療行路平衡都會好差， 所以教左二招比菠蘿包媽係屋企一邊練一邊等排期做物理治療。 菠蘿包跪係到菠蘿包媽用小腿夾住。 等佢雙腿合埋d唔好成日w腳咁跪。 係會好唔舒服但係會糾正到點用力撐住個身。 呢幾日係改善左既！ 前- 後- 另一招菠蘿包都好頭痛， 唔係成日都成功。。。 就係要菠蘿包扶住野雙腳貼埋d紮馬。。。 次次都變左踎係到，真係好搞笑XD 大人做都好辛苦。。。 所以做唔到都唔逼得太緊佢了。 等佢慢慢一步步黎信相會好快成功學識企！ ~~~~~~~~~~~~~~~~~~ 菠蘿包媽係一位全職媽媽blogger～esdlife，mamidaily，mamibuy。歡迎合作～產品試用～幼兒試食～試用嬰兒用品～試用媽媽用品～交流育兒心得❤ Email： kayyau@outlook.com