10/9/2019 楓哥一歲生日  之前幫楓哥搞左人生第一個生日會 好開心請左好多bb 同朋友一齊聚一聚 我地過左一個好開心愉快既下午 其實我都係第一次搞bb生日會 畢竟我地大人生日唔洗考慮太多野 所以好想分享一下搞party 既少少心得 1. ☆Party場地決定 其實好多親子餐廳、party room 、playhouse 或者會所場地可以book既！ 但我首要條件係交通方便，要近地鐵站！因為個個媽媽bb朋友都會用bb車或者揹帶、地點太偏僻或者太難搵全部都要out 而且個場地最好設有嬰兒設備、例如餵奶、換片、比人小憩一下既地方，都係必須嘅！ 而環境衛生有無消毒呢個直頭最重要 之後，場地有咩玩具同玩得用得既野，都要詳細睇清楚；有d設備要加錢或者要提早預訂既，要一早就留意定啦！ 2. ☆Party食物及飲品 我簡既partyroom 本身就包免費飲品，所以我就只係諗party既食物問題！ 確定人數後，我就簡左一間到會既20人set。 有d人會簡小點心或者甜品為主 但因為party黎既朋友大家都未必認識或者未食野，所以party食物種類要多d，有飯有麵有小食，會方便大家選擇。 怕悶親賓客既話，食物環節一定要嚴選 起碼唔知有咩做既時候，坐埋一齊食野就好容易令大家互相交流???? 3. ☆Party佈置 其實好多party佈置用品，偉大既淘寶真係搞惦晒，超多選擇既！ 但我想介紹一下係 HKTVmall 既party 用品裝飾都好靚，而且都係直接運到屋企都好方便 如果你想再特別d既，其實Simply Love 又係一個唔錯既選擇、仲要好多都好靚、價錢當然貴d，但真心一分錢一分貨既！ 而我簡場地既時候、為左唔想花太多金錢時間佈置、就簡左一間本身有主題既partyroom、貼少少decoration 已經好合心水了???? 4.★記得影大合照 一歲對bb黎講只係人生既起步、到佢地大個既時候問佢一歲既事情，一定咩都答你唔到！ 但一歲生日會係人生第一個生日會，所以大合照一定唔少得！影底所有重要既時刻，給媽媽們一個開心既記錄及回憶，畢竟這一年當媽不容易? 希望大家會喜歡今天的分享 其實開生日會好累架！但真係好開心 祝一歲的楓哥快樂健康地成長   希望大家可以like 我同楓哥fb 如果想知係邊間partyroom、可以係fb inbox thanks! https://www.facebook.com/jeremyandjadema/   麻煩大家幫忙like 下了 #生日會 #心得 #生日快樂 #partyroom #happybirthday #一歲 #派對佈置 #party #場地 ｝ #派對場地 #周歲 #籌備生日Party #12months #香港媽咪 #hkmom #hkblogger #育兒分享 #育兒 #親子餐廳 #親子活動 #babybirthday #babypartydecor