20191004 晞晞細佬今日兩個月了 軒軒哥哥都25個月嚕   今日去左健康院打兩個月針 兩個月的 #全人奶寶寶 晞晞重5.286kg，身高57cm，都係係25-50線中間，全埋身，一日7餐， 每次大概半小時。 兩個月要打兩針 白喉四合一第一針 肺炎第一針 入去打個時咁岩細佬訓左攪，抹一抹大脾消毒都無起身，到姑娘打第一針，拮左入去時喊左一聲，真係一聲咁大把就停左 繼續瞓 到第二針拮左入去之後就大幫喊嚕，不過抱番起之後已經收哂聲 呢兩支針有機會會係三日內發燒， 所以健康院會開定 退燒藥。     而今日亦都帶細佬去私家診所食埋第一次嘅輪狀疫苗， 輪狀疫苗係口服， 由醫生負責餵， 健康院並無提供呢項服務， 要食輪狀疫苗係需要出去私家診所食， 我哋帶細佬去返軒軒睇開嗰間診所食， 有得揀食兩劑或者三劑， 我揀咗兩劑， 醫生好好人會等佢呑咗少少先再餵少少入去， 雖然細路扭眼瞓喺度喊， 不過佢都仍然一路喊一路可以吞到冇流返出嚟 下次第二劑就四個月再食lu P. S. 記得食之前要空肚最少一個鐘 P. S. 食完之後要隔返半個鐘先可以再食奶         早前都有篇blog講道 ，細佬係滿月前幾日入咗院， 有日朝早負責巡房嘅當值醫生話細佬隻眼有好多分泌物， 開咗抗生素眼藥水畀佢滴，滴完一個療程七日之後情況改善咗少少， 但分泌物都仍然keep住有， 點知就係細佬滿兩個月前幾日， 我哋留意到佢啲分泌物突然冇曬咁濟 唔係講笑唔係吹水係真係突然之間 所以一切真係等bb越嚟越大個啲問題就會自自然然解決得到 #佛系媽媽唔易做         產品試用/活動邀請/其他合作 歡迎聯絡：tanleesharon2004@yahoo.com.hk 謝謝 軒軒與小小b facebook page http://www.facebook.com/leessssfamily