最近轉天氣又開左學， 小朋友真係好易病， 前排Bella因為乾咳氣喘要入醫院吸藥， 所以呢排都盡量以粥粉為主餐， 暫時都唔食煎炒住， 今次用左一堆雜菜煮濃湯配貝殼粉， 自己鮮製唔洗開罐頭， 再加左啲蝦仁同三文魚粒， 簡單煮又補給滿滿營養， 細B食可以把食材再切細點便可！ 《18M+幼兒食譜：鮮製雜菜濃湯貝殼粉》   材料（兩碗份量）： 洋蔥1/4個 鮮粟米粒2湯匙 紅蘿蔔去皮切粒2湯匙 青瓜去皮切粒2湯匙 南瓜去皮切粒2湯匙 三文魚粒1湯匙 蝦仁4-5隻 月桂葉乾一小片（也可選不放） 湯底： 中蕃茄1隻 南瓜件8件（每件約半隻雞蛋大） 貝殼粉2湯匙先煮淋        做法： 先把蝦仁及三文魚粒洗淨，用鹽醃半小時      把南瓜件、南瓜粒及紅蘿蔔粒蒸軟，取出備用。     南瓜件與蕃茄，加100ml水，同blend成蕃茄濃汁。       把蕃茄汁倒入煲內開火， 半滾起後放入洋蔥及青瓜煮至滾起        再加入蝦仁及三文魚粒煮一分鐘，     再落月桂葉乾煮半分鐘，     最後調中小火，加入貝殼粉煮一分鐘， 再加鹽調味即成。         呢排都會煮一些較清嘅湯品比Bella食， 下次會煮“昆布豆腐牛肉羹”， 夠哂健康又充滿能量， 有興趣記得留意我哋facebook更新!   ************************** ~ 許許與小BELLA ~ 隨性的玩樂型媽媽~ 喜歡做BB特色料理~ 愛分享BB好物情報~ 記得留意我地FACEBOOK瀏覽更多玩樂情報及BB食譜啦~ FB專頁: www.facebook.com/huihuiplayground 聯絡我們: jassmine_tea@yahoo.com.hk       IG:  https://www.instagram.com/huihui_bella/ ~ BLOG足跡 (BEAUTY, LIFESTYLE,  MOM & BABY) ~ BlogSpot   PINEXT   OpenRice  ESD LIFE  TheZtyle  She.Com BeautyExchange   OH!爸媽!  MyBB.Com  香港媽咪幫  UBABY   親子日常  EASY PAMA  Parent's Daily  媽媽經   Sunday Kiss