日本菜，向來都係信義妹杯茶。washabi 既嗆鼻，配上刺身鮮甜，食出另一種鮮味。 難得過海就梗係四出覓食啦～ 行行下見到有間食店門口勁多人，埋去八下就發現係日式餐廳。一於試下啦！   見到個餐牌就發現開始選擇困難啦~  有好多好想食，但係個胃都係得咁大。。。。點算呀~~~~最後揀招牌夢の丼 $328啦~   夢の丼 有三文魚蓉，三文魚子，左口魚裙邊，帆立貝，海膽，牡丹蝦，松葉蟹。樣樣都有，一次滿足乜都想食既願望。飯並非普通的白飯，係赤醋飯，所以唔需要加醬油都能夠有充份既味道。 鹹，酸等都平均，連埋刺身食唔會互相搶味。 當丼飯上的時候，附上一小杯橙醋。原來呢個橙醋係用來點帆立貝架~~~如果唔沾醋，帆立貝味道帶清甜。沾醋後，鮮甜味大增，又無想像之中咁酸，一個微妙的配搭。 其他刺身亦都有不同的香草配搭。檸檬葉，紫菜，生薑等，夾上刺身， 有更多不同味道襯托出來。食刺身再唔局限於芥末醬油啦~   沙律菜作為前菜不苦澀，蜆肉味噌湯鹹鮮味做足。   特別一提洗手間十分寬敞，一帶二都唔會覺得無位轉身。         信義藍星札記 Facebook Page https://www.facebook.com/IncredibleShunyeemui/ Instagram https://www.instagram.com/IncredibleShunyeemui/