講則朋友嘅笑話你聽... 話說有一日搭地鐵，突然比個男人叫住，心諗咩事啊!點知佢講句:「太太，你陀住BB，我讓個位你坐啊!」我邊忽似有左啊! 我只係著鬆身衫，個肚突左少少啫，我只能回佢一句: 「我唔係孕婦...」場面十分尷尬，總覺得身邊有人偷偷取笑，呢個畫面係咪似曾相識?! 係媽媽谷傾開先知，原來唔少媽媽坐完月後，都曾經遇過類似尷尬讓座情況，原因都係嚟自一個收唔返嘅肚皮... 我？當然都試過啦，比個好耐冇見既舊同事問我幾時生第三胎？好鬼尷尬啊！鬼叫自己懶咩，生完又係咁食，運動又少做，點解當年生蝦子細佬時唔興紮肚，咁我實可以輕輕鬆鬆修返個shape囉! 岩岩生左兼紮完肚個fd話生完好耐都紮得，嘩！我立即bling bling眼，那有唔做既道理！ 事不宜遲，即刻約紮肚師上門攪一攪! 鋪好床播music，跟住搽專門從印尼訂製既按摩油進行背肚人手按摩，舒服到不行了，推一推已見效果，之後再用透氣紮帶紮肚，腰型即時出晒黎~~ 每日紮肚師上門攪一粒鐘左右，我都好聽話，每晚紮完肚到第日返工先拆，紮左肚係冇咁自在，但都訓得好好，完成整個療程後，我感覺相當良好，日日都攝衫show返條腰出黎，唔洗再遮遮掩掩喇! 有同事仲話我高左添，好後悔點解我唔可以早d遇上紮肚師!! 係咪好心動？等我再毒下你先 @生完幾耐都可紮肚？ >>過左12朝後就得喇，生左幾年既就要努力d（我就好進取地過夜紮肚10幾個鐘，紮肚師話效果倍增 @紮肚有咩用？ >>如你肚腩好似我咁，成日鬆dum dum，減肥冇咩效果，好大可能因為腹直肌（肚臍位肌肉）未修復，紮肚就可以狠狠地修正喇！紮出腰型，背肌都會薄返！ @咩人適合紮肚？ 1）即將結婚既女仔，著婚紗晚裝靚好多，唔洗比人背後恥笑； 2）岩岩生左BB既媽媽，最好12朝後先紮肚； 3）生左BB好耐（好似我咁），減極肚腩都減唔到，就要紮肚喇 @點樣揀紮肚師？ >>紮肚係印尼傳統，當然要搵個印尼學藝、又有專業知識既紮肚師啦！最重要亦係我最看重既一環，一定要有人手按摩，睇我身形推返個腰型出黎！ 我真心覺得紮肚好有用，即刻冇左個肚腩，著衫都靚好多！ 更多親子分享，請Like & Follow 鯨魚家姐‧蝦子細佬Facebook 同IG啦!