自從細佬出咗世之後， 我哋每次出親街都係最去新界區， 好耐冇出過九龍， 最近一次 我哋就決定嘗試下帶埋細佬出九龍， 去咗牛頭角 牛下新城呢間mabaland playhouse ， 呢間playhouse喺我未陀細佬之前我哋都有去過玩， 價錢都幾抵架     呢個商場仔人流唔多，係playhouse隔離有個小型foodcourt，我地都係食完野先再入去玩，其中一間嘅鰻魚飯幾好味     我地星期六下午四點半入場，＄180 一大一小   另加一個大＄45，任玩到夜晚9點，其間只要條手帶keep住係手就可以當天無限次進出，係咪好抵玩先     個場唔大， 但一般playhouse有得玩嘅嘢都有齊。     有個大螢幕玩games 跳彈床， 入邊有啲大大個透明波波白色波波，軒軒依家兩歲可以自己入去跳嚕 男孩子愛嘅揸車， 有thomas小火車同跑車 當然唔少得波波池連埋好多關卡嘅迷宮 喺最入有幾張枱， 每張枱都有好多路軌同埋好多車仔， 又係男生嘅天地，軒軒係呢區玩得最耐 仲有係lego同煮飯仔     場內都好貼心有埋育嬰室可以換片或餵奶 亦有得洗手， 咁就唔使下下都著返對鞋行出去商場廁所先有得洗（ 如果想去廁所問職員拎鎖匙就得）     我哋由四點半玩到六點半，軒軒都電已放了         地址： 九龍灣牛頭角道3號TBG mall Tak Bo GardenShop T138, G/F                   產品試用/活動邀請/其他合作 歡迎聯絡：tanleesharon2004@yahoo.com.hk 謝謝 軒軒與小小b facebook page http://www.facebook.com/leessssfamily