早前有blog講過，因為我中左b鏈，晞晞出世第二日抽血驗指數高左少少要送去兒科。 https://mamibuy.com.hk/talk/article/77940   而由於我係餵哺母乳，咁我就要手擠啲奶落杯送去兒科，因為無得長期埋身住。     ＊本篇係講媽媽係醫院產後病房，bb係兒科病房，如何送奶。＊     我生完之後頭24小時係產房觀察就只需要將奶擠落針筒度，然後交俾助產仕，佢地就會幫我處理哂。     到我番到上產後病房，就要自己寫好哂資料先交俾姑娘，其實都好簡單。     首先去護士站開姑娘拎 針筒/杯仔/奶樽，跟住再拎埋以下呢張紙仔 填好左邊啲資料，至於自行拎去或是職員拎去，姑娘會教話由職員拎去係好啲，因為職員有冰袋入住送過去，同埋兒科餵奶有指定時間，萬一樽奶放左係室溫四小時後先拎到過去就已經唔食得浪費左，大家可以放心，產後房都有個雪櫃放人奶，但當然唔係我地自己放。 同埋我會每次交杯奶俾姑娘時就再問佢地拎定個新杯，咁就唔使行黎行去啦     填好左就可以連奶連紙仔拎出去護士站交俾姑娘，因為紙仔右邊要貼 母親標籤，所以姑娘會叫睇埋個標籤資料有無錯，無錯就可以放心交樽奶俾姑娘架啦。     無錯就係咁簡單     另外有晚我個胸谷到超石頭，已經好難手擠，所以就問下有無得泵奶。 佢地部機係好多媽媽都話掂嘅medela 醫院級 機，但.......我個胸實在太石頭，我開到最大力嘅模式都覺得無料到，最後一滴奶我都泵唔出，唯有走番上床再努力手擠 我係兒科都有泵奶，兒科係用C字頭個款奶泵。所有喇叭等配件佢地都會提供哂架啦。     至於我自己出院後，我就無送奶番去兒科嚕，事關聽說好嚴格架                   產品試用/活動邀請/其他合作 歡迎聯絡：tanleesharon2004@yahoo.com.hk 謝謝 軒軒與小小b facebook page http://www.facebook.com/leessssfamily