水燈節，唔知大家有無聽過啦~~~朋友間提到泰國過水燈節（類似中國中秋節），太令我羨慕啦~畢竟信義妹都有一段時間無遠遊啦~~~   朋友細心就話不如係香港都感受一下水燈節吧~~~ 唔駛都有? 好喎~~~按時到餐廳，泰式報置已經吸睛。大家亦都可以係小旗寫上願望插係花中許願。   脆脆泰嘜麵 $98 水燈節就梗係要食下啦～先有脆脆闊麵，油麵，酸菜，通菜相拌。酸菜係自家醃制，唔會太酸，配上咖哩汁更多一種清甜味。醬汁係咖哩汁， 內裡有嫰滑雞肉，惹味之餘，又不會蓋過雞肉鮮甜。   皇家米粉餅 $108 初初諗住米粉餅會係似蔥油餅，成圓扁狀，但上枱是一座炸了的米粉山。哇~正啊~ 初初諗住會無咩味的，但原來橙色的米粉係帶點點酸甜，十分開胃。配上掛滿酸甜醬的大蝦更開胃醒神。大蝦蝦肉結實不霉，酸甜醬汁亦都無蓋過當中的鮮。但呢個係要快速食架，一隔得耐就會淋曬唔好食架啦~~~   原隻泰皇燒雞 $288 一個不論視覺跟味覺都享受的菜式~ 上枱的時候會即席再烤一次，香茅與香料燒起來香氣撲鼻。燒雞即使再燒多次都仍然嫰滑多汁，唔會乾曬。配上自家醬汁，令味道更上一層樓。   泰式潮爆炸鮮魷 $188 呢道菜好玩又好食，喜歡香口的不能錯過。魷魚圈會一串串起來，而較大的魷魚圈或者魷魚鬚就會放係碟上。當你要夾串起魷魚圈時，係要有技巧的啊~~~朋友間不妨比試一下，邊個筷子功好~~呵呵~~ 鮮魷炸得恰當唔會好似食橡筋咁。當中更有辣椒，香料等，見到就已經流口水。醬汁對於唔食辣的會帶點嗆，但對嗜辣的信義妹來講，辣度夠，酸味足，惹味之餘，更能配出鮮魷的鮮。   冬陰公海鮮湯 $168 信義妹愛飲冬陰公湯，但要遇到好飲的冬陰功並不多。今日終於遇上了。絕配比例的酸辣味，配上時令海鮮，加添多一重鮮甜味。   芒果糯米飯 $65 一 個美好的甜品能為一餐畫上完美句號。芒果糯米飯，不失為一個泰式甜品的首選。黑白糯米配上椰醬，軟糯香滑。甜度正好，芒果香甜多汁。   紅肉火龍果沙冰 38  用新鮮紅肉火龍果打製而成，無添加糖，清甜，配以香料重的泰菜係一個適時的選擇。   下次要試埋泰式柚子鮮蝦沙律~~~   地址 荃灣青山公路163-174號昌耀大廈2樓         信義藍星札記 Facebook Page https://www.facebook.com/IncredibleShunyeemui/ Instagram https://www.instagram.com/IncredibleShunyeemui/