轉眼間黎到10月, 紀錄一下出席過的產前講座.   第十八個產前講座: 2019/10/5 Hipp孩子成長從有機開始產前講座 (約2小時) 對Hipp呢個牌子一D都唔陌生, 因為經常係電視到佢D廣告, 但可能佢無其他奶粉牌子咁鋪天蓋地宣傳, 所以一講起BB奶粉, 好少會諗起Hipp. 不過去完Hipp的講座, 佢己經成為我將來為BB選擇奶粉的三甲之一! 講座分2部份, 第一部份係由營養師講下懷孕前後的營養吸收, 我出席左咁多講座已經有好充足ge營養知識, 所以呢part 對我黎講就唔算太有用. 而第二部份就係由Hipp Product manager 為大家介紹Hipp的產品, 不得不讚呢位Hipp員工真係對公司產品好了解, 講得好清楚, 令我對呢個牌子大大加分!  講多少少, Hipp係德國品牌, 佢D產品唔單只係奶粉同BB食品, 仲有沖涼護膚產品, 好全面. 佢除左係德國本土售賣, 其實仲係全球銷售 (當然包括香港). 要知道如果一種食品可以係全球銷售, 即係代表佢ge安全性係通過咁多銷售國家的測試認可. 呢個都係其中原因點解佢會成為我的奶粉三甲之選. 講完講座內容, 講下有咩禮物喇~ 一入場係reception登記就有支有機果汁送比您飲. 當日係場地係ClubONE, 所以like佢地facebook會有尿片送. 然後每節講完左都會有3條有獎問答題目, 我老公幸運地答地其中一條. 完晒個講座就可以去外邊counter試下佢地D product同埋換禮物. 不過對比之前Hipp講座的禮物, 今次就唔算好豐富.     第二十個產前講座: 2019/10/5 瑪麗醫院產前講座(1) - 產前產後護理 (約2小時) 相信大家都知無論公立or私家醫院都會定時舉辦產前講座, 通常就只係會提供比係嗰間醫院登記的孕婦參加. 不論有無禮物, 我都好建議大家盡量參加. 始終由登記醫院的護士講解返係醫院生產過程就最清楚! 而我老公聽完呢個講座的comment係: 同之前聽ge完全係2個Level, 好實用, 一句癈話都無! 呢次講座係無禮物, 但勝在內容充實有用! Very Good!   第二十一個產前講座: 2019/10/11 惠氏1對1營養諮詢 (約半小時) 其實呢個並唔係講座, 係由惠氏提供的1對1免費營養諮詢服務.  實際係點樣參加我都唔係太清楚, 我諗最基本係要入左惠氏個媽媽會先. 我係收到SMS問想唔想參加呢個營養諮詢, 想就填寫報名表格, 咁佢地安排好就會打電話比您約時間上去見營養師. 佢地有2個地點選擇, 一個係荔枝角, 一個係銅鑼灣. 我揀左銅鑼灣. 雖然呢個營養諮詢係1對1, 但大家唔駛擔心, 完全無銷售成份, 完左仲有一大袋禮物比您拎走, 所以上去記得帶環保袋;) 去到坐低填表, 跟住就量血壓磅重. 之後營養師就會同您了解下平時ge飲食習慣, 根據您當時懷孕週數應該要有ge懷孕體重, 比D相應意見您. 當然您有任何問題都可以問營養師喇. 好快完左呢個諮詢服務就可以拎禮物走喇~ 嘩! 其中一樣禮物竟然係ILLUMA奶粉呀! 大家收到SMS記得報名呀~   第二十二個產前講座: 2019/10/12 瑪麗醫院產前講座(2) - 初生嬰兒護理, 嬰兒哺飼及新生嬰兒黃疸 (約2小時) 相隔1星期, 今次出席第2個醫院講座. 呢場好多人參加, 要擔櫈仔坐到最後排. 呢場講座有禮物派, 姑娘random行黎行去問問題. 如果坐走廊位就容易D被選中答問題. 我又係叫我老公答, 哈哈. 禮物係尿片set, 入面仲有張尿片買一送一coupon, 個袋仔好得意~   第二十三個產前講座: 2019/10/16 Ubaby分娩過程及產檢注意事項 (約2小時) 講座上半part係參展商sell下魚精雞精product. 仲有問答有奬環節. 但我因為遲左去, miss左呢part~ 而下半part就由婦產科醫生講下生產時會遇到的問題, 分娩過程, 順產&剖腹產有咩要注意, 同埋有關隱性遺傳基因等等. 完左講座就可以交問卷換禮物喇~去Ubaby講座都幾多禮物拎. 一口氣分享左5個講座, 下次應該係10月分(下集)分享 遲D見, 多謝大家收看~   想重溫之前的媽媽講座分享可以click以下連結:- 2019年8月媽媽產前講座分享 https://mamibuy.com.hk/talk/article/77957 2019年9月媽媽產前講座分享 (上集) https://mamibuy.com.hk/talk/article/78251 2019年9月媽媽產前講座分享 (下集) https://mamibuy.com.hk/talk/article/78872 2019年10月媽媽產前講座分享 (下集) https://mamibuy.com.hk/talk/article/79549