話說屋企多左個B之後，要買嘅嘢一蘿蘿 爬行墊、消毒器、bb床、high chair、bb車、尿片、bb衣櫃仔、玩具..... 屋企空間有限，突然間多咁多bb用品，連老公D玩具擺設就無訂企 於是乎，我哋唸到不如租個迷你倉放曬d唔經常用嘅嘢，比多d位擺bb用品 好似換季衫褲、figure、行李箱、抽濕機咁，全部入倉！哼！   搵迷你倉，我自己覺得要注意以下幾點： 1. 安全性 ~ 要睇個倉有冇 (真嘅) CCTV、有冇門禁系統。有d公司雖然有cam，但其實冇開，形同虛設，呢樣真係要問清楚職員。大吉利是講句，有咩損失都可以check返記錄吖嘛！ 2. 冷氣 ~ 以我所知，有d小型迷你倉公司無冷氣，就算有，都唔會真係24小時開住。冷氣對於儲存環境嚟講好重要，可以防潮防霉防蟲，所以媽媽們一定要揀長期冷氣開放嘅倉呀！ 3. 24小時出入 ~ 有d迷你倉係會受大廈嘅開放時間限制，係唔會24小時開放，揀選可以24小時出入嘅迷你倉，會方便我哋收工之後，或者星期六日及公眾假期上去執嘢   最後，我自己就揀左Apple Storage，勝在環境好職員又夠細心，大家可以做個參考 最最最後，po上一張Yolk仔近照~ 屋企多左空間可以盡情飛啦！！