!!媽媽群組的重要性!! 就是互相提大家有咩好活動~~~   今次都係多得佢地,  我先可以成功預約到去「消防及救護教育中心暨博物館」參觀!   由於細細睇完Paw Patrol之後愛上左Marshall, 即係消防員果個~  日日夜夜都講, 所以今次參觀到, 細細係非常開心既~~~     我地預約左星期日的早上時段, 原來消防及救護教育中心暨博物館, 只有4層可以參觀, 分別有「消防歷史沿革區」 、 「消防及救護車輛展覽區」 、 「社區應急準備教育」 、 「消防服務展覽區」 、 「救護服務展覽區」 、 「調派及通訊展覽區」 、 「培訓工作區」 、 「走進社群區」 、 「加強聯繫區」 、 「重大事故區」 及「英雄閣」等。     一開始先入演講廳睇香港消防處的歷史同發展   都有好多珍貴片段可以睇到, 但小朋友應該會覺得悶, 哈哈! 睇完片聽完講解, 但有小小Q&A環節, 答岩問題有小禮物添!!!   之後就會去參觀消防及救護車輛, 有心理準備, 呢度跟消防局開放日不同,  車輛不多, 只是作展示, 也沒有消防員跟救護員一起合照的~   重頭戲, 小朋友可以試下穿著消防員服跟救護員服!!! 小朋友真係超級開心!! 而媽媽我都係~~ 覺得佢地著起消防制服好有型喔~~~     可以在同一樓層度影相~~     其他展區都有不同展品、互動小遊戲, 有CPR示範添~ 對小朋友來講, 都幾吸引!   「消防及救護教育中心暨博物館」接受團體及個人申請參觀, 參觀費用全免! 我都係用個人申請參觀, 只需要網上申請就可以,  但好快爆滿, 要有心理準備~~ 而團體參觀會由專人導賞, 每團最少20人, 上限為60人。 **人頭計算, 即小孩都是按一人喔!     網上預約: https://fasecm.ievent.hk/event/p/12908     地址： 11 Pak Shing Kok Road, Tseung Kwan O, Kowloon. 九龍將軍澳百勝角路11號 電話：24118691 傳真：24118696 電郵地址: visit_fasecm@hkfsd.gov.hk * * * * * * Facebook Video: https://www.facebook.com/MrsKan.blog/posts/2553812954852530       * * * * * *   [Kan夫人。生活雜記] 超過60個 親子遊樂好去處 總目錄    Kan夫人。生活雜記       ☆親子遊☆ ☆成長日記☆ * * * * * * Follow: FB: www.facebook.com/MrsKan.blog IG: mrskan_net (http://www.instagram.com/mrskan_net/) Kan夫人。生活雜記 歡迎聯絡合作: Email: ja20121111@gmail.com http://www.ja20121111.blogspot.hk