蜜瓜妹人生第一次N班interview,佛系瓜媽之前都無特別為蜜瓜進行特訓，只有按照蜜瓜吸收能力去教她基本概念，例如自己名字，歲數，媽媽是誰？還有少許小肌肉訓練 ：砌積木，夾棉花。瓜媽就溫習一下幼稚園嘅教育方針及理念，如果interview 時考家長都唔會口啞啞。 第一間面試學校係MOS綠茵幼稚園，到達幼稚園門口先在閘門外排隊等候，眼見這一輪也有20多人跟我們一同面試，差不多夠鐘嬸嬸就請大家進入校內，各老師及職員都好Nice咁歡迎我們，家長同小朋友都先清潔下手仔及探熱，再根據自己報名時已取的號碼進入相關課室內，蜜瓜一入校門就不斷同人Say Hi Hi …。   「第一輪粵語組 Group Interview 」 家長先跟小朋友坐下玩枱上玩具，我們這組有4個小朋友，老師中途會叫小朋友砌積木，看小朋友反應，蜜瓜妹全程笑笑口，見到蜜瓜感覺良好，瓜媽都鬆一口氣。之後各小朋友安排坐到老師面前聽講故事，老師會叫小朋友指下書中圓點，摸下黃色點點等互動，另外一位老師就在一旁觀察及筆錄低小朋友的一舉一動或作評估，此時蜜瓜開始無耐性，幾次想離開自己坐位，幸蜜瓜都合作乖乖繼續坐。最後開始做手工，小朋友要自已把波點貼紙貼在圖畫紙上 ，此時老師又會跟各個小朋友互動傾計，又會用加了水彩棉花俾小朋友印手指畫。 《蜜瓜妹作品》   「第二輪英語組 Group interview 」 蜜瓜一見到外國老師說怕怕要黐實瓜媽，呢輪一開始就坐到老師面前一起打招呼，首先老師唱Five Little Monkey數馬騮、然後唱Row Row Row Your Boat 搖小船做動作，看小朋友對應及互動。又會要求小朋友拖手手圍圈唱歌，蜜瓜不太願意呀。到差不多面試完，蜜瓜妹先Warm up完不斷同外國老師們笑笑口say hi，亞女太遲啦… 離開前老師送一本故事書給各位小朋友，蜜瓜都有講謝謝同向各人揮手Say Goodbye，今日嘅面試正式結束。 ✨✨✨✨✨✨✨✨✨✨✨✨✨✨✨ Facebook : 西瓜仔與蜜瓜妹 https://www.facebook.com/sweetmelonsfamily/ Instagram : geminard (西瓜媽 Email: geminard@gmail.com 歡迎試用/試玩/試食邀請 ✨✨✨✨✨✨✨✨✨✨✨✨✨✨✨ #蜜瓜妹 #蜜瓜妹第一次 #學前班Interview