我唔係只介紹貴價護膚品㗎，有時平平哋百幾蚊都有好用嘅選擇，例如韓國嘅Etude House，由妝品到護膚品我都有買開，因為包裝可愛又好用，性價比超高，唔少韓國美容界KOL 都推薦。 踏入秋冬，我嘅皮膚已開始出現繃緊狀況，水份抽乾失去彈性，就算未開始甩皮同起乾紋，毛孔都會現晒形！呢個時候用ETUDE HOUSE 嘅Moistfull Collagen保濕系列就最好。作為保濕感爆燈嘅皇牌產品，最近推出嘅全新升級配方，效果明顯更強勁。 新一代Moistfull Collagen 包括保濕精華（$185）、保濕面霜（$180）、保濕面膜（ $25），我全部都愈用愈喜歡！全系列產品蘊含豐富嘅水潤超級膠原蛋白Super Collagen專利成分，粒子更細小，更快滲透深層肌膚。 而新加入嘅另一成份：白羽扇豆植物精華，係從White Lupine種子提取嘅蛋白質成分，可以有效促進膠原蛋白同彈性蛋白合成，加強修復受損嘅乾燥肌膚，仲會為皮膚建起一道保護屏障，預防水份及彈性流失。 Super Collagen 配合白羽扇豆植物精華，兩者相輔相成，令產品功效大大提升，更快改善肌膚乾燥缺水、缺乏彈性問題，令肌膚瞬即回復柔軟嫩滑，全面提升水潤感。   實測用後感：愈用愈水嫩 呢排每晚用完保濕精華同面霜後都覺得，搽完之後肌膚真係立即柔嫩起來。剛好用咗一星期嘅感想係佢哋唔只每次都立即為肌膚補水，令肌膚唔再繃緊，因為佢全日鎖緊肌膚水份達24小時，所以水潤感可以維持全日㗎。 用咗一星期後，我仲感到本身因為乾燥而變得粗大嘅毛孔，重新回復幼嫩細緻！塊面多咗collagen，肌膚飲飽水，彈力返晒嚟，輪廓都緊緻啲。   想效果再好啲，當然最好勤力敷mask! Moistfull Collagen保濕面膜以價值嚟講真係超抵用，質料剪裁夠貼面，夜晚敷完10-15分鐘，到第二朝都仲keep 到水潤，化妝都貼服好多。 仲有想講嘅係，我好鍾意佢哋今次新加咗無過敏原嘅玫塊花香配方，用完之後聞到淡淡玫瑰清香，好放鬆好舒服。而且新包裝轉用生物塑膠，為環保出一分力，我哋好應該支持。   ＝＝＝＝＝＝＝＝＝＝ 如果喜歡我的分享，記得讚好我的Facebook專頁「Mrs Co:Lam 凱林家生活」，更快知道更多更好的有趣資訊。   Mrs Co:Lam 凱林家生活 Facebook:www.facebook.com/mrscolam Instagram:www.instagram.com/mrscolam Email: hello@mrscolam.com Website:www.mrscolam.com