自Week 20 照完結構後，知道肚入面既BB好健康 所以打後既產檢，我既產檢醫生都冇咩特別既問題 都係問下有冇唔舒服呀?冇既話 就上床睇BB啦... 我唔知係唔係因為我後生問題啦...所以醫生都係話我冇咩特別 連叫我食D保養產品都冇... 所以我依家食果D都係自已上網查，之後去下萬寧買... 我係每3-4weeks就產檢一次,去仁安既診所... 因為仁安診所係平過醫院少少ga... 而且我去開果度有停車場優惠，又可以食下早餐午餐，所以我係比較鐘意去診所做產檢既 以下係我產檢既進度表 Week 6 產檢(原本想搵依個醫生接生,但因為有d唔夾咁，所以week9就轉左另一個醫生) Week 9 第一次去仁安診所產檢 Week 11 Nifty Pro 檢查 (我自已係出面搵另一間做檢查，因為醫院做比較貴) Week 13 第二次去仁安診所產檢 Week 13 第一次去瑪嘉烈醫院產檢 Week 15 第二次去瑪嘉烈醫院產檢 Week 17 第三次去仁安診所產檢 Week 20 照結構 (我既產檢醫生介紹我去另一個醫生到做結構) Week 21 第一次去健康院產檢 Week 23 第四次去仁安診所產檢 Week 26 糖水測試 (因為屋企人有糖尿，所以我都需要飲糖水測試) Week 27 第五次去仁安診所產檢 Week 27 第二次去健康院產檢 Week 31 第六次去仁安診所產檢 Week 31 第三次去健康院產檢 Week 35 B鏈篩查 (瑪嘉烈醫院) (暫時打到Week 31,因為我依家先Week 30...) 雖然我已經決定去私家生BB，但因為知道萬一早產都要去返政府醫院，所以就算幾密，都決定照去..