秋高氣爽，蜜瓜妹同公公婆婆、舅母同表哥哥搭昂坪360登山纜車，香港居民於11月10日前前往購買昂坪纜車來回門票只係需要俾$88 （原價$235來回，仲有幾日咋）。雖然係閒日到來，但觀光區都係比較人多，等買飛都等咗20分鐘。 蜜瓜妹一次搭纜車，一個字：驚，見到纜車已卻步，要瓜媽夾住抱上車，全程驚驚的樣子。  昂坪纜車站外已見到3米高巨型扭蛋機，扭蛋機中放了很多扭蛋 ，蛋內有不同嘅迷你玩具禮品，只要上載童遊時光佈置到指定社交網就可以兌換到扭蛋金幣。 巨型扭蛋機旁邊仲有超大飛行棋、七彩扭計骰、趣怪陀螺等歡樂打卡位。 先在市集食個Lunch，然後再向天壇大佛方向前進，途中會見到「玩具時光隧道」，展出多款1950年代至千禧年代的玩具，有些係公公先識玩嘅玩具，公公好興奮介紹小時候係點玩。之後會見經過「東南西北」、「 跳飛機」及「菩提許願樹」打卡位，不過蜜瓜妹午睡中…… 老人家難得到來天壇大佛，當然想行上去感受感受宏大氣象，所以瓜媽就陪公公爬二百多級樓梯，近距離感受大佛與周圍大自然景色。 走落山後，蜜瓜妹亦好配合咁起身啦，瓜媽與心情好的蜜瓜妹開心留倩影，仲好即興買咗件旗袍俾蜜瓜。 享受一家人慢步影相至黃昏，在回程的纜車內欣賞日落，蜜瓜仍是巧驚驚咁攬住瓜媽，但臉上表情已比剛才寬容及可以展露笑容。   ✨✨✨✨✨✨✨✨✨✨✨✨✨✨ 「童遊時光」大型互動展覽＠昂坪360 日期：即日至11月10日 （仲有3日咋） 時間： 周一至周五　上午10時至下午6時 周末及公眾假期　上午9時至下午6時30分 地點：昂坪市集 詳情： www.np360.com.hk ✨✨✨✨✨✨✨✨✨✨✨✨✨✨ #西瓜仔與蜜瓜妹 #蜜瓜妹周圍look #蜜瓜妹第一次 #親子遊 #大嶼山昂坪遊 #np360 #昂坪360遊 #童遊時光 #天壇大佛 #Lantauisland #hkmama #mamiblogger #香港媽媽 #hkbaby #cutebaby #instakids