有時候我響度諗大公主咁鐘意畫畫，我哋應唔應該俾佢上畫畫班呢？ 真係好矛盾，一方面我想佢學下一啲畫畫技巧，另一方面我又擔心上畫班會局限佢嘅創意，弄巧反拙 為咗想試驗下大公主係咪咁鐘意畫畫，我就請佢每日畫一張畫俾我。呢個傻妹每日畫完就要我影低佢，仲要自己心心咗啲相擺響我手機嘅favourite album  大公主呢段時間處於知識吸收期，佢最愛將自己學到嘅應用出嚟，每次見到有英文字母嘅地方都會逐個逐個字讀出嚟問我哋啱唔啱 事緣今日大公主放假我同佢搭車出九龍，又啱啱遇上剛剛的西貢大塞車，大公主就響一程小巴上學識左畫星星 同”emergency” 呢個字。 經過今日呢程車，我發覺平時陪小朋友細心留意身邊嘅事物多一點，其實知識隨處皆是，何必為學而學呢？ 對於小朋友嚟講，陪伴永遠比培訓重要 親愛的大公主，謝謝你送我的每日一畫 希望你繼續保持你的創意，保持你的真我