上個星期六先去完參加Disney Run，剛剛星期日我哋又入咗去廸士尼喇⋯ 話說爸爸同大公主十月時第一次見到Frozen Castle，爸爸同大公主有一個協定：如果大公主由當日到十一月都無做錯野而俾人鬧，下次我哋十一月再去廸士尼嘅時候就可以帶呢座Castle 返屋企喇。 於是爸爸今日兌現承諾，一早起身同大公主帶呢個城堡返屋企。 星期日廸士尼已經換哂聖誕裝飾，Frozen II 嘅products 亦陸續登場，好彩上星期忍手唔買全住，因為聰明嘅隊友話應該就嚟減價... 點知真係! 現家廸士尼由8Nov 到25 Nov 做緊 Magic Access Member Sale ， 店舖貨物全部六折!連聖誕裝飾同Frozen II 嘅新貨都有discount 。 如果大家有心頭好想買，就要襯呢個減價嘅第一個weekend 去買喇！因為減價時有啲貨唔會咁快fill 貨，上星期見到新出嘅Elsa 碗今日已經無哂。 媽媽睇中左一條Elsa 剪影裙都無哂細碼⋯ 好多媽媽會襯減價時去掃公主裙，有時未必所有碼數會擺出嚟，記得睇啱去問問Cast Member 幫你搵下啊^_^ 以前公主裙要3歲左右先啱著，現家公主裙都出咗Baby款，around 6M-24M 都有碼， 妹妹上次sale 都買咗件belle 裙， 不過佢哋唔係擺埋一齊㗎，搵唔到嘅到時問下Cast Member 呀。 唔想買完嘢一袋二袋咁去玩？可以買完嘢之後同Cashier 講寄存，但係要三個鐘之後先可以拎返喎！ 希望大家都可以襯減價買到心頭好啦