哥哥妹妹咁鍾意 STEAM 玩意，又點會錯過呢個月零碳天地嘅「STEAM 築樂園」。樂園中嘅三個遊戲，都係用木板、太陽能板及金屬製成，達至「零碳」。小朋友從玩樂過程中，仲可以認識背後嘅 STEAM 概念及環保。      5米高全木製動樂旋轉木馬：妹妹一向喜歡玩旋轉木馬，呢個木馬由人手推動，呢個重任當然交比爸爸啦。由木材打造，有懷舊嘅感覺。         滾珠迷宮陣：童年回憶，變成巨型版嘅滾珠迷宮。考驗大人小朋友嘅合作性、手眼協調????、平衡力同埋耐性。       夢幻泡泡製造站：轉動滑輪，就可以製造出唔同形狀、大小嘅泡泡。泡泡隨風飄動，小朋友見到最興奮。     有得玩之餘，又能夠學習每項遊戲背後嘅科學原理，仲可以影靚相，絕對係呢個月不能錯過嘅打卡熱點呀。   建造業零碳天地 「STEAM築樂園」 日期： 2019年11月2日至12月1日 開放時間： 7:00am – 8:00pm 地點：九龍灣常悅道8號