時間真係過得好快，小B好快就踏進10個月，依家小B好鍾意周圍爬同埋企，用唔同角度去探索身邊既事物同環境，仲好鍾意咩都放入口，真係睇少眼都唔得。最近發現小B有時會係某種情況會尖叫同喊，就好似︰ 係屋企既時候︰ 1)     遇到好食既野，會尖叫要求再要 2)     陪玩會尖叫，因為覺得開心同興奮 3)     小睡後發現無人係身邊或者太黑會喊 4)     當被忽略既時候會尖叫或喊來表示不滿   係街上既時候︰ 1)     見到色彩賓紛既野或者新奇既野會尖叫 2)     開心同興奮既時候會尖叫 3)     係太多人既環境會喊，無安全感   以上都係我觀察小B日常得到既啟示，佢靠笑、尖叫、喊去表達話俾你知佢想點。有次帶小B出街，可能佢太開心太興奮，尖叫左幾聲，我聽到有人話「好嘈呀」，我當下有啲唔開心。返到屋企我自己邊喊邊諗係咪自己做得唔好定係唔應該帶小B出街？冷靜後覺得因為小B太細仲未識講野未明白我地講既道理，佢係因為太開心太興奮所以尖叫去表達。不過如果下次出街再遇到呢個情況，我會試下抱起佢、攬下佢，等佢冷靜少少。     ~以上文章純屬筆者的個人感覺、分享，敬請注意 !~   *歡迎留言或聯絡* s.berryblythe@gmail.com Blog: strawberryblythe.blogspot.hk FB: S.BerryBlythe IG: s.berryblythe