睇片| 毛爺學識左去完街自己除襪+自己放好對鞋 我真係好驚訝13個月大的毛爺可以做到 已變成慣性動作*次次都做到(已經持續左1星期了) 我發現係有秘訣的容許我哩個新手媽媽分享一下點教識毛爺自覺除襪放好鞋 長文慎入要由某天去完街講起 話說1星期多前*帶左毛爺落公園放電 玩左1個鐘毛爺扭眼瞓+捽眼 我就抱住無嘜電的毛爺番屋企* 幫佢除左對鞋*佢自己除襪，見佢識自己除襪 我：Anson你自己放番好對鞋 毛爺：走佬........ 我再三請毛爺自己拎起對鞋放好佢 毛爺：終於肯過黎拎起對鞋 好唔容易引到毛爺行到自己的鞋櫃前 我：放對鞋係哩度哩度,Please（指住個放鞋位置） 毛爺：發脾氣掉對鞋落地 我對住毛爺微笑，慢慢坐落地下，慢慢同佢解釋 我：你對鞋應該要放係鞋櫃度，而唔係掉落地上面 毛爺：唔聽，再掃跌多兩對鞋落地 我：哎喲啲鞋比你掃跌左，你執番好佢啦 毛爺：唔耐煩開始喊要走 我：Anson你要執番好啲鞋先可以走（比我塞住左條路） 毛爺：爆喊!試圖強行逃走 我：Sorry Anson你應該執番好啲鞋先可以出去架 毛爺：爆喊喪喊勁扭 糾纏時間終於黎*亦都係關鍵時刻 ❗我知道如果好好利用哩個時刻，甘就可以一勞永逸，令佢真正學識做好哩件事，而且佢可以有滿足成功感 ❤秘訣1：1定要好好控制自己的情緒，唔可以嬲/煩躁，因為你的情緒係直接影響緊個情緒唔穩定的小朋友，態度要溫柔先可以平靜佢的情緒同佢心中的慌張 ❤秘訣2：立場1定要堅定，無論佢點扭點喊點發脾氣，都1定要佢自己完成哩件事，比佢知道媽媽定下的立場係唔會變但自己1定唔可以發嬲! 我：攬住爆喊中的毛爺，講：無事無事~媽媽係度 毛爺：攬住我放聲嚎哭 哩個時候Auntie Nancy經過，毛爺如見救兵*喊得更大聲 醒目的Auntie Nancy扮睇唔到，行走左 毛爺已經喊到成頭濕哂，面紅耳赤口水鼻涕都飛哂出嚟 我：無人會救你架啦…你放番好啲鞋咪無事囉 毛爺：行去鞋櫃再掃多對鞋落地 ❗緊記唔好嬲唔好罵(試探緊你的底線，嬲就中計了） 我：哈哈，對鞋又比你掃跌左（以笑代替嬲） 毛爺：繼續暴喊發脾氣!! 我：攬住爆喊中的毛爺，講：不如你執鞋比我'我放啊 毛爺：再掃跌多對鞋+繼續爆喊 原來毛爺堅硬頸，仲未服仲未認輸唯有繼續同佢拉鋸 就係哩個時候Auntie Nancy忍唔住幫毛爺求情： 工人：Anson may be too tired, tomorrow try again la 若果我哩刻唔堅持就浪費左個好的教導機會，所以我1笑以對，不過真係喊得太耐，所以我決定攬住毛爺行出鞋櫃範圍，比佢回一回氣，幫佢抹下面錫下佢餵水佢飲（全程攬到實拍拍背安撫著，等佢知道媽媽無嬲佢，不停比安全感佢），而毛爺都全程攬實我開始回哂氣，係時候返戰場毛爺見返番去+見到1地都係鞋又開始想喊 我：無事無事唔使驚，媽媽陪你執番好啲鞋（繼續抱住） 毛爺：望一望我，1隻手執鞋1隻手攬住我條頸，1隻1隻鞋拎起放番上鞋櫃度 我：叻仔呀！做得好呀！叻仔（錫錫錫） 最後毛爺自己執番好哂所有的鞋為左加深佢的印象 我：我地叫Auntie Nancy&Auntie Vina出黎睇，Anson已經自己放番好哂啲鞋啊！ 我+工人：Good Job!Anson is a good boy 毛爺：笑住自己拍手（知道人地讚佢） 我攬住毛爺一齊坐落地，再指住個鞋櫃 我：Anson真叻仔自己放番好啲鞋（攬實佢錫左1大啖） 毛爺：比我1個好滿足的笑容，自己指1指啲鞋然後拍手 故事講完 用耐性+意智力同極高的EQ，共用左2小時零20分鐘教識左毛爺放鞋1事真心攰過番工 表面上係教識左佢點放鞋，實際上佢從中學到更多的 ✅知道扭計'發脾氣同喊係唔會解決到問題 ✅知道媽媽係唔會心軟，但會1直陪伴同支持 ✅知道自己的事係要自己做，用1分鐘定1個鐘自己選擇 ✅知道自己係有能力完成並得到成功感+有人欣賞同讚美 唔止增強佢的自理能力，仲提升左佢對媽媽的信賴，自信心同優悅感。 點解我可以甘都唔發脾氣？ 同自己講：明明1分鐘內可以完成的事，因為你唔識所以要用更多時間去學習，我願意用更多的時間去真正地教識你，直至你成功為止!! 而家毛爺每次都自動自覺放好對鞋，每次放好仲好有滿足感會拍手，1次的2小時20分鐘的教育，換嚟佢良好的自理能力+態度值呀～抵番哂 唔好放棄應有的立場，比耐性讓孩子相信自己的能力! 秘訣：立場堅定 但 態度要溫柔 有無人肯睇哂成篇野打到甘鬼長 歡迎大家like & follow ʕ•́ᴥ•̀ʔ っFacebook專頁:我愛攣毛哥 同時都好歡迎聯絡合作機會/產品宣傳/產品試用 攣毛媽精於分享好野❤歡迎聯絡   #攣毛1歲1個月4日大啦 #我愛攣毛哥 #我要做靚媽 #靚媽LingLing #育兒知識 #一起放輕鬆 #momlife #新手媽媽 #WellbeingGroup #happylife #premo #ohpama #usbaby #BabyKingdom #mamibuy #親子王 #esdlife #ulifestyle #mamibuyid #10月狗寶 #女人心事 #育兒日記 #mamatownishere #mamidaily