【精明網購分享 -- 格價好工具】 作為一個精明嘅消費者，買嘢梗係要四出格價睇下邊度平邊度抵先出手啦!  不過宜家你買嘢格價真係多咗好多平台去搵，好似唔同online shop、Facebook Group、淘寶、Carosell、百貨網店等，淨係要搵同格價都可能已經用左你幾日。 咁我自己都幾好enjoy呢個research過程嘅，不過我都會覺得係好攰。 但當我能夠買到件最平最抵嘅嘢呢，我就會好滿足感同開心，可以抵過曬你啲時間。 事緣最近我就好想買氣炸鍋啦，因為我喺的Facebook Group到見到啲人post佢點用氣炸鍋整咗好多嘢食出嚟啦，又西多士、雞軟骨、燒肉、炸薯餅或者係椒鹽蝦呢啲平日係屋企好難煮既餸，只要你將啲嘢食一擺入去等一陣就有得食嗰種感覺，真係好爽又非常方便。當然啦最麻煩就一定係個清洗過程， 因為始終你都要拆零件去洗。 但係實在太吸引呀，特別係呢段時間艾莉奧媽媽係冇返工喇，喺屋企日都要諗緊自己食咩，真好麻煩。 所以經過多番考慮，我都係決定去買。當然research去爬文啦睇片唔少得，我都知道呢有幾多牌子係特別出名包括淘寶嘅山本、台灣嘅依時同埋當然唔少得就係最出名嘅Philips ，呢三隻普遍下都好出名嘅係好多人推介。 所以之後你要考慮既係價錢、Size同埋安全。另外，我都有考慮過買水貨，例如去Amazon 搵，其實價錢唔係差得太多200-300到，但就冇左兩年保養咁我就算了。  因為我見好多人都話呢買氣炸鍋真係唔好買個細嘅，特別係市面上有好多其實都可能佢個size好細得0.8-2L ，可能真係整到四隻雞翼到一兩件羊扒，係非常唔方便。加上我係一個好鍾意去招待朋友嘅人，結果最後我都係決定要買Philips 氣炸鍋 XXL版 (HD 9654) 。廚房冇位都要買啊牙，哈哈哈!  其實買個氣炸鍋點解我會講咁多關於格價同research嘅嘢呢  跟住我就想同大家分享，我用咗啲咩新方法去幫助我去喺最低價嘅時候出手買咗我呢個氣炸鍋!  我要同大家推介嘅，就係price.com呢個格價網。對於的平時買開電子科技嘢嘅人黎講對呢個網站係一啲都唔陌生，者可能你地老公平時買野呢都會去呢到搵。而艾莉奧媽媽我以前做野就經常接觸一啲IT野，所以我都有去開。比較多人留意既係買手機、相機配件或者電器，唔想去深水埗旺角搵，想一次過睇邊度最平都會去呢個網站到睇。   等我講下有咩好處啦，以我想搵買個氣炸鍋為例:    一次過可以睇到多過十間以上商舖嘅價錢主進行格價  差唔多每日都會更新過價錢 清楚列明行貨或者水貨嘅價錢 價錢旁邊都有寫到商舖地址同電話同評分，你可以搵間近你屋企既買或者想問送唔送貨可以直接打去問 提供線上查詢chatbox 可以直接online聯絡商舖，問佢問題同價錢  佢某部分嘅電器產品或者貨品其實個價錢可能已經包咗送上門服務 當你"訂購"之後呢，咁就可以喺個chatbox到同商舖夾，點樣去畀錢同埋攞貨 某部分嘅商戶可能仲會同price.com有個partnership，用price.com App/ 網站訂購仲可享折扣添     心得總結:  除咗上面啲優點之外，其實price.com本身係有個app，唔使下下電腦睇都可以隨時隨地用到。好似平日係街見到樣嘢好想買，拎個apps出嚟格價，再上網搵埋其他你用開既平台，你就好快知應唔應該現場買。   其次頭先講過個價錢係每日都會更新，如果咁岩俾你捕到個最低價錢，你就可以即刻係app度出手買，如果有現貨就可以幾日送上門，你話係咪快靚正!  我就係搵左好多網，捕左個app一段時間，竟然見到突然有間鋪降價，即刻問佢係咪有現貨同包送上門就即刻買左，$1900 都唔洗，真係全場至抵! 3個鐘都唔使連埋過數，就可以輕輕鬆鬆過幾日就有新玩具玩，真係超開心。   聽完上面個的好處係咪大家覺得好方便呢:) 其實我見到上網都有好多人話，而家有好多bb嘅用品好似佢手推車或者洗奶樽或者玩具呢的，都可以喺呢個網站度買到嘅，各位鐘意shopping 既爸爸媽媽快的上去睇下你想買既野邊到最平格下價啦   之後收貨再同大家做個開箱文啦  #網購 #格價 #飛利浦 #氣炸鍋 #精明媽媽 #購物狂媽媽