近排 好忙 又 好懶 成日掛住睇書 同 打機,打 SumiSumi 打到入晒迷 勁耐無寫blog 又無咩寫blog 靈感 唔知寫咩好 無咩動力 如果你地有咩想睇 可以講下 (話時話SumiSumi 真係好好玩, 有無人都打緊呀?, say 個 hi) 今次襯連放3 日假,試下寫新野 介紹 bb 繪本 豆沙媽媽一向都係書怪, 其實豆沙爸爸都係, 咩類型的書都會睇, 屋企有個小小圖書館 豆沙媽媽未生之前睇書可以好快 生完專注力就差好遠, 生咗之後睇得最多係育兒書同豆沙D書 (最近睇完的書係 你的名字, current reading 係選3哲學) (其實無人想知)   今次介紹呢本係豆沙第一本書 The Very Hungry Caterpillar 中文係 好餓的毛毛蟲 如果你已經識呢本書可以自行跳過 呢本係 豆沙bb時我地 已經俾佢睇 係豆沙媽媽係英國個best friend 送的, 佢話呢本書係好出名 英國個個bb都會睇 豆沙媽媽自己都好鐘意呢本書 因為個故事雖然超簡單 但 佢涉及好多知識, 包括有 生物堂 - 由毛毛蟲點樣變蝴蝶 數學堂 - 唔同數量的生果 常識堂 - 星期日一二三四五六 食物堂 - 唔同食物的名 科學堂 - 夜晚有月亮，朝早太陽會升起 健康堂 - 食得太多會肚痛，要食番塊葉先舒服啲（推廣素食！？諗多咗）   佢最特別係成本書有好多個窿窿，貫穿成個故事 Bb可以好投入咁，隻手指好似蟲蟲咁食穿啲食物 唔好睇少呢個好簡單的篤窿動作，其實係訓練bb的小肌肉，手眼協調，要睇到而又篤中對bb嚟講係有一定難度，係要玩多啲先會慢慢純屬 豆沙大約坐得穩，around 6-7個月大時 就開始「玩」呢本書 到一歲時番威院職業治癒，治療師都贊佢手指發展好好 我地仲會透過本書啲窿嚟望豆沙，佢好鐘意，又會有樣學樣望番我地 其實仲可以俾條繩佢地扮毛毛蟲咁穿過啲窿咁玩法   其實，豆沙媽媽無諗過，一本連埋封面同封底都係得26 頁的書，睇落好簡單，但可以咁有教育意義 畫功唔算好靚好精細，但顏色好鮮豔 係外國 呢本書係好受小朋友歡迎  甚至有 用佢嚟做主題 開生日會 而豆沙媽媽去國際幼稚園open day 都有用佢嚟做主題 演變咗唔同遊戲出嚟   (網上google 到的圖片) 本書其實己經好老，初出版係1969年，賣咗超過1200萬本，翻譯咗over 25個語言 同時亦有好多唔同version 可以揀 - 齋硬卡書 - 硬卡書連條蟲蟲毛公仔 - POP up 版本書 - 手指木偶版本 - 14件毛氈公仔版本 中英文都有, 大家有興趣可以係各大書局，書網，amazon，台灣博客來，英國 Waterstones, The Book People, Book Depository 搵嚟買  (有機會寫blog介紹下上網係英國買書) 其實淘寶都有,有朋友話同係香港大書局買一樣quality, 不過豆沙媽媽對淘寶有保留, 唔知佢地用咩紙,又好驚有蟲有蚤, 始終係俾小朋友睇 (我認我對書有潔癖)   書怪當然唔會放4過自己個女, 所以豆沙沙其實已經有個小小圖書館, 豆沙媽又成日忍唔住就買, 有機會再介紹其他BB書俾大家啦   (提外話:豆沙媽媽儲落有一個龐大的sonny angle BB頭軍團) http://www.facebook.com/vislyip 豆沙的小小page,懶媽媽不定期,但心血來潮就會更新 :P   (偽文青 豆沙)