香港挪亞方舟 Noah's Ark Hong Kong嚟緊12月週末及週日將舉辦「童萌聖誕大派對」，悠姐樂少有幸優先試玩，我敢講好玩程度簡直爆星呀！悠姐玩完問我：點解可以咁多嘢玩㗎 講多無謂！睇片最實際~條片我盡咗力剪到最短都要兩分半鐘，大家有興趣要耐心睇哂佢呀！???? #聖誕好節目 #放電首選 #愛護大自然 #邊玩邊學 #森林 #海洋 #四季 #未來城市 #光影互動 #超級好玩 #真心推介 #開心聖誕 1） #童夢聖誕市集 小朋友化身小店主夾糖糖同整爆谷比爸媽 過程中落手落腳整何其興奮，自己整的特別好味 2）????#啤啤熊之友製作室 5星活動：小朋友可親手整毛公仔，非常特別！除熊bearbear仲有不同動物選擇，全部靚料樣靚，每隻公仔都有專屬出世紙，小朋友可幫自己隻公仔改名，入完綿花其實要自己聯返埋個背脊，呢d粗重功夫緊係老娘搞掂啦～悠姐樂少每人一隻唔洗爭，揀熊仔仲有衫配埋啊。 3）#STEAM #極速賽道 #電流挑戰 自己組裝木車仔再拿到極速賽道同其他小朋友鬥快！從過程中學習點先可以整快d！ 4）重頭戲：#空中奇遇索道 小朋友身高夠110就可以玩啦！但悠姐唔夠高又唔夠膽，所以今次無份玩了。但睇見哥哥姐姐們玩真係夠哂刺激，大小小嘅小朋友有機會絕對不能錯過！ -> 睇片就知有幾好玩!!  5）#激FUN天地 小朋友最愛的電動車，彈彈城堡又點小得先！仲有最特別的競賽保齡球！上次悠姐響日本玩完已經話要再玩，估唔到呢度都有得玩啊 -> 睇片就知有幾好玩!!  6）#躍動天地 當悠姐見到個巨型旋轉滑梯同空中繩網，簡直大叫咗出嚟～ 火箭造型嘅旋轉滑梯靚到震，悠姐鯨魚玩到唔捨得走，務求要放哂所有電。值得一提隔離有個小b遊樂場，都好啱樂少玩啊。   7）#鹿車飛馳天地 為配合聖誕節，樂園還準備了小鹿車，比小朋友玩，樂少同媽咪一齊坐，玩到卡卡笑，好可愛～ 8）#ePlanet #夢想星球 方舟獨有：全港首個以大自然為主題嘅光影互動展館，e-Planet結合咗藝術與科技，以森林、海洋、四季加上未來城市為主題嘅光影互動館~透過故事教導小朋友愛護動物同海洋，小朋友帶上3D眼鏡感受海洋生物，好特別。另外未來城市主題館內，小朋友可以將預先設計好的圖畫填上顏色，有車車/飛機/機械人等，填好後再拿去scan，螢幕上就會出現尋於小朋友的圖畫，非常有趣????????有興趣還可加錢引上Cushion帶回家啊！ 玩足一整天，幸好貼心的挪亞方舟有專線直到旺角Moko，免除老娘周車勞動之苦！回程時兩小已斷電了。 喂呀！這個大派對真心極之好玩，絕對是聖誕節不能錯過的好節目之一啊！ 活動資料： #挪亞方舟 「童萌聖誕大派對 」 活動日期： 2019 年 12 月 7 日至 2020 年 1 月 1 日 （逢星期六、日及公眾假期) 活動時間：上午 10 時至下午 6 時 地點：香港新界馬灣珀欣路33號 查詢電話：3411 8888 門票：成人HK$198，小童及長者HK$158 詳情請參閱 http://www.noahsark.com.hk 交通：可於旺角新世紀廣場購買方舟專線連入場券 或於葵芳/青衣/荃灣等專線巴士前往 又或是於中環搭船亦可。 仲有仲有，方舟餐廳有兒童餐啊！最愛兒童餐的悠姐簡直開心到跳舞啦~ 如果想緊貼住樂。悠。媽咪育兒心得及親子放電好去處，記得FOLLOW返 樂。悠。媽咪 FACEBOOK專頁啦!