選揹帶，尤其係選俾初生BB的當然要好小心，選最好的俾BB，小Sheryl出世果時，由於要出入自己家同奶奶家，仲要有時要帶BB去健康院檢查，所以就覺得有需要買條有信心保證，又可以俾初生B用，而且之後大個D到2、3歲都可以用的揹帶，因而就上網搵左好多資料，搵下邊款揹帶好用買俾小Sheryl了。經我深入研究之後，就決定左買Ergobaby呢個牌子，一來因為世界各地好多媽媽都用，好評如潮，二來佢地亦出左最新的Omni360 全階段四式Air Mesh，可以話係能滿足晒我所有的要求，包括可以由初生B開始用到3歲，透氣唔會焗(因小B係夏天出世，當然冬天的話都會用毛毯所以我個人覺得透氣好緊要)，可以減輕媽媽的腰部負擔，生完B真係要好好愛鍚自己條腰，所以一定要有好的揹帶幫幫手。 好了，當決定左買邊個牌子後，當然下一步就係格價，開始就發現可能好野就會多人抄，坊間原來好多假貨/冒牌貨，甚至好多人扮真品聲稱係”水貨”咁賣，其實原來呢D全部都係假貨!! 所以我係透過香港代理認可的經銷商，有行貨同保養的公司購買，始終係用在初生Baby上，安全係好緊要，所以我呢個呀媽一定會嚴選! 今日我就想同大家分享一下購買的經驗。 我自己係買左Ergobaby Omni360 全階段四式Air Mesh揹帶 - 靛藍色，以下我會分享Ergobaby Omni360 全階段四式Air Mesh揹帶的真假分辨，假的是Ergobaby Omni360 全階段四式Air Mesh揹帶的真假分辨 – 午夜藍，由於我買的靛藍色是新色，假貨無，所以我買左條午夜藍來比較。希望可以俾多D媽媽知道如何分辨真假，唔好買左假貨都唔知，同埋要選有信心保證的公司選購。因為文章將會好詳細咁同大家一點一點咁分辨真假，但考慮到有些朋友可能想要快一點知道分別，所以我先講講2大分別重點俾大家快速辨認: 2大重點快速分辨: 1. 行貨代理貼紙 香港行貨係有代理的貼紙，上面有代理的資料。下圖可見左手邊的真貨，有貼紙在盒則，貼紙上有代理的公司資料。 2. 包裝分別 開盒後，最大的分別是真貨的揹帶是沒有膠袋包裝的(已跟代理確認是所有型號都沒有透明包裝膠的，全都是一開盒便是貨。而假的是有透明包裝膠袋著揹帶的。 好，那下文就會詳細講講真假兩者的分別。 1. 睇睇真假貨的包裝盒，真品的包裝盒顏色上淺一些，印刷比較細膩一點，紙盒的質地也比較細膩。 2. 包裝盒前面的位置分別不大，主要是COOL AIR MESH個波波顏色唔同。 3. 包裝位的背面分別也不大，主要的真貨有個圓形貼紙貼著開口位，假貨沒有貼紙。 4. 開盒後可以看看隨貨的保證卡。真貨的保證卡的字體會比較粗一點。 5. 然後看看吊牌的分別，真貨的吊牌是摺頁一共4版的，而假貨的是一張過。 6. 又看看說明書的分別，真貨的說明書是一大版摺頁的，而假貨的是書仔釘裝的。 7. 看完所有揹帶以外的配套後，現在開始看看主角揹帶了!首先是Cool Air Mesh的網面比較，真貨的網面明顯較密，而網是打直的6角形，而假貨的會較疏，網是打橫的6角形。 8. 下一步再看看腰帶的位置，印刷方便真貨的字體較粗一點，重點是魔術貼的位置，真貨的魔術貼貼得很緊，需要較用力才可以撕開，而假貨的魔術貼會比較容易撕開。我認為呢一點都幾重要，因為在乎安全問題。 9. 下一點就係睇睇整個坐墊的車工。真貨的車工比較完整，頭尾位置打結會較長同工整，車線都較密。 10. 然後睇睇用料，真貨明顯厚身好多，成條揹帶的重量差不多係假貨的1.5倍，聚手好多，可以看看護頭的墊子位置的厚度分別。 11. 然後就睇睇標籤，真貨的Caution標籤共3張，假貨的有5張。真貨的QC貼紙是universal綠色跟個數字，而假的是紫色。 12. 跟著又睇睇腰帶的扣子，真貨比較實淨，窄身唔會鬆泡泡; 而假貨係明顯鬆泡泡。扣子方面，真貨的LOGO突起較明顯，假貨的無咁突。 13. 然後睇睇Logo同前面放置小物的包包。假貨的Logo線條較粗，車工面也比較馬虎。 14. 最後睇埋其他位置包括扣子、鈕扣、拉鍊的分別。 好了，大概完成比較真假的分別。大家當然就會問，咁點先可以確保自己買到有保證的真貨? 當然要搵番香港總代理認可的經銷商購買，有一點好重要，就係保養，3個月之前起，香港所有Ergobaby行貨都係包10年保養，係10年，只要憑單同保證卡，搵番您買的果間店，又或者直接搵香港總代理就可以處理。 如果您都係搵緊BB揹帶，請尋找認可經銷商選購，小妹我嘅網上商店BJ Baby 嬰兒及童裝用品小店就係認可經銷商之一，歡迎到以下網址或到BJ Baby Facebook專頁查詢及選購，或者如果您有任何有關Ergobaby品牌產品嘅問題，都歡迎Inbox我地查詢喔!~ BJ Baby嬰兒及童裝用品小店 網址: https://www.bjbabyhk.com/ BJ Baby嬰兒及童裝用品小店Facebook專頁: https://www.facebook.com/bjbabyhk/ =============================================================== 80後手作媽媽 - Sing Ching 作為一個80後手作人媽媽，自寶寶出世後，對她穿的用的都每天學習研究，務求給寶寶最好的，也很想跟新手媽媽們分享經驗，盡力搜羅實用又靚靚的寶寶衣服和用品，以貼地價錢分享給大家！有興趣媽媽們歡迎Follow以下Facebook Page: https://www.facebook.com/bjbabyhk Follow 我們的Instagram睇更多小Sheryl的生活照啦! https://www.instagram.com/bjbabyhk/ 如有任何邀稿或產品試用，歡迎電郵聯絡: bjacchk@gmail.com
