星期六同阿仔撐枱腳，阿仔話好想去飲茶，所以去左教室附近間利寶閣飲茶～   我地一向是飲茶精，好中意食點心，平時都去開利寶閣飲茶，待應姨姨話最近新推出點心放題，叫我地試下，可以任點食物和自選份量，小朋友有半價好似幾抵所以試下～         放題即送原隻鮑魚酥和花膠灌湯餃，好吸引，隻鮑魚好大粒！           花膠灌湯餃好好味，真係有花膠，仲要好大塊，個湯幾鮮甜好味！         呢度嘅點心幾新鮮，上枱時燒賣熱辣辣，味道唔錯！         阿仔好中意食咸水角，呢間嘅咸水角炸得幾脆又冇乜肥豬肉幾好食。         燒汁木魚釀茄子煎到幾香口，我都中意食。         叉燒腸和叉燒包每次飲茶必吃！實在食左好多唔同嘅點心，我沒有全部影相，因為我得2個人所以全部點心都點2件，放題可以每樣點心都試下，滿足我飲茶想食唔同款點心嘅慾望。         仲有甜品楊枝甘露和十勝紅豆雪糕脆麻花，可以點一人份量就食多幾款甜品啦，原來茶樓有雪糕食！           我地都黎過奧海城利寶閣好多次，總括來說呢度嘅點心都幾好食，上枱熱辣辣，所以一直幫襯，如果係大胃王食點心放題都幾抵食呀！       利寶閣（奧海城店） 地址：香港西九龍海庭道18號奧海城二期商場UG01                     關於daidai ＆ pipi： Daidai ＆ pipi 的快樂魔法           Instagram：daidaipipi http://instagram.com/daidaipipi/           博客： Blogspot ．MamiBuy  Beauty Exchange she.com ． WeShare ． ubeauty        YouTube： daidai Joan https://www.youtube.com/user/yuijoan     e-mail:  yuijoan@gmail.com