前排唯b返學有 Halloween Party ，自製咗果汁糖俾佢返去玩 “Trick or Treat”，健康啲又滿足到小朋友。 網上有大量唔同做法嘅果汁糖食譜，呢個我加咗蜂蜜以取代砂糖，健康啲，趁嚟緊聖誕節開PARTY，大家一齊試吓啦！  **有關模具：LEGO模具在AMAZON買，另外果款喺烘焙店買。   材料： 鮮榨蘋果汁 100毫升（可買現成，亦可用其他水果代替） 魚膠片 10片（25克） 粟膠 1茶匙 蜂蜜 1茶匙（可省卻） 做法： 1. 搾好蘋果汁後，隔渣，取100毫升果汁 2. 把魚膠片剪開數份，逐少加入凍水浸軟（不要一次過加） 3. 魚膠片軟身後，搾走水份，備用 4. 隔水加熱蘋果汁、魚膠片、蜂蜜，攪溶混合 5. 加入粟膠拌勻 6. 隔渣後倒入糖果模，雪2-3小時，脫模就完成 溫馨提示： 1. 魚膠片可改用同等份量的魚膠粉 2. 蜂蜜只為增加甜味，可省卻 3. 粟膠又叫粟米糖漿，係粟米提煉出嚟嘅澱粉質，可增加粘性。我有試過唔落，但拎上手會易溶；粟膠在烘培店有售 4. 由於自製果汁糖沒有添加防腐劑，建議2-3日內儘快食用   Like our Facebook Page: https://www.facebook.com/weplaynlearn/ Follow us on Instagram: http://www.instagram.com/kly.chu