就快又到聖誕節啦！我又係時候物色一啲適合大人小朋友嘅派對場地，實行同班親朋好友一齊歡渡聖誕！最近我哋去咗位於觀塘嘅Party Room Dreamer，場地夠曬大，而且更有多款遊樂設施！爸爸話啱曬約埋親朋好友一齊去玩！   講到遊樂設施，呢度都有好幾款，包括：巨浪划艇機、超大海洋主題波波池、 VR體感遊戲、Atari Pong Table、飛鏢、美式桌球區等。而且每間獨立房間均設有Nintendo switch、自動麻將機、卡啦ok同大量board games。 巨浪划艇機 玩法簡單刺激，最多可以6個人一齊玩，每3人一組，玩家分成2組鬥快划艇，限時內最慢嘅一方就有機會被淋變成落湯雞！ 超大海洋主題波波池 以海洋為主題嘅波波池，內有有超靚嘅吊燈同海洋色系波波，仲有一個巨型貝殼型擺設，非常吸睛搶眼，而且更可以著上由場內免費提供嘅美人魚尾服裝，絕對係熱門嘅影相打卡位。 設有多款遊戲可供選擇，有啱刺激嘅大人玩，亦有簡單任務啱小朋友玩嘅遊戲。而且場內更引入新式嘅VR射擊遊戲，刺激度爆燈！ Atari Pong Table 場內另一大賣點，復刻街機遊戲，玩家可以兩人對戰，或可以一個人同電腦對玩。 飛鏢、美式桌球區 仲有其他遊戲好玩又有趣嘅遊戲。 另外，每間獨立房間都有唔同風格，同埋均設有Nintendo switch、自動麻將機、卡啦ok同大量board games。適合一大班親朋好友一齊玩！ Dreamer 設有4小時包場套餐，提供食物及飲品任飲，而價錢視乎人數多少。基本包房人數為8人以上，而包場則為60人起。12月收費$238/4hrs或請向職員查詢。 總結：場地夠曬大，而且更有多款遊樂設施，適合大人小朋友嘅派對場地！ ================================= Dreamer 地址：觀塘鴻圖道28號 查詢︰6389 1286   時間：周一至日，24小時營業，需預約 費用︰$188/4小時，大小同價。每位加$20即可任飲場內提供的罐裝飲品。設有4間主題房，包房人數8位起 ================================= （以上資料更新至撰文當日） 聯絡電郵： alfredbb325@gmail.com 最近開始玩IG，歡迎追縱：allaboutalfred 最近開始玩YouTube，歡迎追縱： allaboutalfred 追踪更多育兒生活分享，請按 Alfred 成長日記  駐站BLOGGER: