好難得可以出到尖沙咀行街，睇到呢間樂天經典食評唔錯，所以黎試下。   我地呢晚6點就來到，因為早來所以餐廳未算多人，經理安排我一家三口坐卡位，坐位和環境都幾舒服。           今日點嘅菜都係就小朋友多，冇特別點海鮮，因為大部分都辣。   首先係蒜蓉炒西蘭花$68，炒得夠淋，多蒜，夠香！           泰式炭燒豬頸肉$88， 賣相靚，肉質柔軟不韌。         脆皮蝦醬雞翼$98，一碟8隻雞翼隻隻都肥嘟嘟，雞翼皮超級脆，蝦醬香口入味，小朋友食到唔停口！         滑子菇素炒麵線$88， 好中意呢個炒麵，麵爽口，唔油膩，炒得條條分明，師傅炒得好！           三色桂花班蘭糕$45，雖然飽飽地但好想食甜品，呢個班蘭糕造型好靚，層層分明，更吃得出椰汁、班蘭、桂花各層味道，唔太甜值得一試。         椰子西米露湯丸 $38，椰汁香甜，芝麻湯丸多饀煙韌，如果多些西米更正！     整體食物有水準，服務有禮貼心，食物款式選擇多，可以有下次。         樂天經典 尖沙咀加拿芬道20號加拿芬廣場2樓                         關於daidai ＆ pipi： Daidai ＆ pipi 的快樂魔法           Instagram：daidaipipi http://instagram.com/daidaipipi/           博客： Blogspot ．MamiBuy  Beauty Exchange she.com ． WeShare ． ubeauty        YouTube： daidai Joan https://www.youtube.com/user/yuijoan     e-mail:  yuijoan@gmail.com