自從余小b升上小學後, 媽我經常都要搞盡腦汁 為余小b準備早餐同小息食物!     是日愛心早餐<自家製無添加饅頭>,  今次余小b都有幫手整㗎! 抵讚!     搓粉最考功夫, 所以今次我就用左麪包機搓好粉糰 再做之後嘅工序, 果然比我想像中易整得多!  而且省時。方便。零失敗, 媽媽都可以變廚神喔！ 跟大家分享食譜和製法!     <自家製無添加饅頭> 材料好簡單, 可以做到8-10個 材料: 中筋麵粉    200g 常溫水        100g 植物油        8g (我用了花生油) 砂糖            15g 快速酵母     2g   1. 我把以上材料放入麪包機,  用<鳥冬麪糰>模式搓15分鐘,  然後再醒麪5分鐘就可以直接取出整形了！ (醒麪=放係機內等麪糰可以鬆弛透氣)       ***用麪包機搓粉真是十分簡單, 省時省力呢！   2. 取出麪糰後, 用麪粉棒在麪糰中央開始壓平,  要重複多次, 有助麪糰內的空氣排出                 *把手粉撒在枱上會減少黏稠  (我用了<三羊牌>熟糕粉,  是熟的, 所以吃了都不怕)   3. 把麪糰摺3摺 4. 再用麪粉棒把它壓平至長方形   5. 反轉麪糰, 使其較光滑的一面向下,  用掃薄塗一層水於麪糰正面, 令佢容易黏著   6. 把麪糰向內捲成條狀, 捲得愈緊愈好, 然後把麪糰,  接逢處捏緊, 再分割成8-10等份,  就成了尚未發酵完成的饅頭了         7. 放30度熱水於煲內, 不用開火!  放上蒸架, 再鋪上牛油紙, 然後把饅頭放在牛油紙上   8. 用布包住煲蓋, 以防有倒汗水,  影響饅頭的光滑度~ (皺皮饅頭就不好看了！雖然味道都是一樣的) 然後合上煲蓋~     ***待25-30分鐘完成發酵後, 饅頭會脹大1倍啊！ 所以饅頭與饅頭之間一定要留足夠的空位   9. 25-30分鐘酵後,   直接開中大火蒸饅頭10分鐘就完成了！   饅頭香軟Q彈, 好好味, 而且非常健康, 大人小孩都啱食, 俾余小b秒殺, 真係令我好鼓舞呀!    <小撇步> 緊記在步驟(10)蒸嘅時間也要用布包住煲蓋,  以防倒汗水流出影響成品外觀, 還要用筷子 夾在煲與煲蓋之間留一條隙才開始蒸,  這樣就能蒸出又白又光滑的饅頭了！   我沒有蒸籠, 都是用普通煲來蒸的,  第1次做成品也不錯啊！ 大家也試試啦!   嚟緊我會同大家分享更多健康食譜 #讚好 及 #設定 <余媽媽手記> fb專頁為「搶先看」就不會錯過呢啲最新消息啊！   以下是余媽媽&余小bのFacebook~   余媽媽手記     My Blog Links: Blogspot MyBB Supermami WeShare She.com the Ztyle SeeWide Open Rice   有關產品試用/活動邀請，歡迎與余媽媽聯絡 Email: qsmartland@gmail.com Facebook Fan Page: https://www.facebook.com/yumamabb/ Instagram Follow Me: https://www.instagram.com/yumamabb/