帶住和牛B外出用膳嘅時候，我哋會有幾個考慮因素。 當佢仲係BB嘅階段，我哋就會揀一間坐得舒服嘅餐廳。   而家4歲半嘅和牛B，喺餐廳選擇方面，我哋就會考慮到小朋友嘅需要。     小朋友坐唔定，如果餐廳配合玩樂絕對係首選。   今次我哋就揀咗去油塘呢間社企餐廳到嘆午餐，呢間餐廳對出就有公眾嘅兒童遊樂場。 所以，我哋可以邊用餐，邊睇住和牛B去公園玩。     當日天氣超好，唔凍! 所以，可以選擇餐廳戶外嘅座位到用餐。   ^ 餐廳亦設有室內座位   呢到係社企餐廳，所以餐廳嘅侍應大多以老人家為主。   ^ 睇完餐牌，可以直接於點餐紙寫上，再到收銀處落單，呢到係食完先俾錢嘅。   餐廳為半自助餐形式，食物以中式為主，選擇亦都好多。 但當然啦，價錢唔算太貴，所以唔可以對自助區抱太大期望哦。   【餐牌】     另有其他精美小碟菜式     亦有專為小朋友而設嘅健康小碟     半自助午餐仲有白飯係任添、沙律吧 (有粟米、車厘茄、芽菜等)、保健素湯、健康飲品、即磨咖啡飲任。     超鍾意自助餐文化嘅小朋友，可以好開心咁去自助沙律吧到取食物~     另有其他付費飲品。     ^ 手拍青瓜 $18 味道方面，真係超酸呀~不過好開胃!!    ^ 古洞天然醬油雞 $68 個人覺得係好味呀~唔會太咸，大人細路都o岩食。   ^ 有機柑桔醬烤骨 $78 酸酸地，柑桔醬嘅味道好似梅子味，唔錯~   ^ 是日素菜湯，味道都唔錯，好清甜。   食飽之後，就可以去放電啦~     餐廳旁邊嘅公眾兒童遊樂場，大船造型，有滑梯、攀爬繩網。       ^ 搖搖組，和牛B話係鞦韆   ^ 滑梯組   ^ 攀爬繩網   ^ 另有三組不同高低波浪型嘅小橋   ^ 休憩、影相嘅花園隧道   ^ 必影靚位!   ^ 青蛀石像   ^ 餐廳及公園旁邊仲有洗手間，非常方便!   ^ 仲有海景一覽無遺     【銀杏館 婆婆廚房@油塘】   地址：油塘高超道38號大本型空中花園R01號舖 營業時間： 星期一至五 11:30am - 3pm / 6pm - 10pm  星期六至日 11:30am - 10pm 電話：26631998 -------------------------------------------------- 歡迎聯絡我&和牛B: chungying56@hotmail.com Facebook專頁: 和牛B嘅成長專頁 Instagram: wagyubmami                -------------------------------------------------- 姊妹合作**Precious M accessories** 利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。