7000呎新場！ 夢幻粉藍波波池X小市集X白沙池X彈床X車車 X幼兒區 X庭院挑戰陣X超長滑梯 X工作坊 X限時見面會 X遊戲機…包小朋友超級放電啦！ 隔離仲有旗下嘅親子餐廳Fullhouse kitchen 滿屋廚房，價錢唔算貴，場內好多大公仔，食嘢同時又可以打卡影相～ 而家玩遊樂場仲送$20親子餐廳餐飲卷！好抵呀！玩到累又可以去食埋野啦～ 仲超方便！樂富站A出口行2分鐘就到！ 影片分享 樂富商場上3樓就係啦！ 試業優惠！20/12/2019前有8折～平日最平$96起 樂園設施適合身高不高於130cm 及12歲以下兒童，6個月以下嬰兒不收費 記得着防滑襪來玩！亦可購買$15對 購票後會有兩條手帶，一條locker鎖匙，同埋一張$20餐飲卷，一陣可以去隔離親子餐廳食嘢用！ 入口處有鞋櫃同locker 儲物櫃比較細，我嘅背囊要打橫先放得入，而且剛剛好！ 閘口位要使用剛才嘅手帶拍入閘，出入都用佢！所以唔好唔見條手帶啊～ 色彩柔和，天花板用雲朵做裝飾 幼兒專區，有攀爬區、小滑梯、巨型積木、波波池等⋯ 有一層嘅彈跳迷宮，不過唔算大 男孩子最愛嘅路軌車車、多款木製玩具等～ 小超市同煮飯仔玩具！ 照顧小Baby嘅小玩具，一齊角色扮演返爸爸媽媽 多架車車，可以係呢條車道行～ 彈跳迷宮入邊嘅跳彈床同機關！ 呢條sir滑梯好滑呀！不過要玩就要比較多嘅體力⋯ 原因只有呢條樓梯可以上到去滑梯處⋯ 辛苦職員哥哥不停幫小朋友上去⋯ 波波池夠深！可以扮游水～ 白沙池～係白色膠粒，小心Baby會吞左啊！ 庭院挑戰陣，身高要110-130cm先可以玩，可惜阿仔未夠高⋯ 仲有個滿佈大公仔嘅打卡區！ 限時見面會，唔止玩遊樂場～玩玩下仲有大主題公仔行出嚟同你見面影相！ 今日我哋仲有面部彩繪添～節目真係好豐富！ 外面仲有幾部夾公仔機同遊戲機 非會員：$1/1幣 會員：$200/210幣 玩到肚餓！仲可以去隔離親子餐廳Fullhouse Kitchen食嘢！頭先張$20餐飲券可以用埋佢！ 又係超多打卡位！ 兒童餐都好豐富喎！叫咗個咕嚕肉配飯，味道都唔差！仲有薯條、啫喱同蘋果汁～ 造型雞蛋仔$19起，爆谷$8 我叫咗碗車仔麵，普普通通～最低消費要$30起 呢度係自助拎餐，落左單等叫號就有啦！ 食物款式選擇多，餐牌可以參考吓～ 入場收費參考： 星期一至五: 10:00-17:30:$150 (1大1小) (額外加每位成人/小童$75) 18:00-21:00:$120 (1大1小) (額外加每位成人/小童$60) 星期六、日及公眾假期: 10:00-13:30:$180 (1大1小) (額外加每位成人/小童$90) 14:00-17:30:$220 (1大1小) (額外加每位成人/小童$110) 18:00-21:00:$160 (1大1小) (額外加每位成人/小童$80) *100fun 樂滿紛* 地址: 九龍橫頭磡聯合道198號樂富廣場3205-3208號舖 https://www.facebook.com/100funhk/ ———————————— Follow 埋 IG:https://www.instagram.com/chochomamami/ 100個＋親子好去處(不定時更新) https://www.facebook.com/1028553953955138/posts/1436213656522497?sfns=mo ———————————— #4Y #全職媽媽 #親子 #下雨天 #波波池 #parentalblogger #hkblogger #好去處 #放電 #室內遊樂場 #親子好去處 #親子遊 #生日會 #親子餐廳 #樂富 #彈跳迷宮 #樂滿紛