【親子玩樂好去處】聖誕 #免費活動 $0 玩轉冬日小鎮 玩具圖書館 坊間一家人去playroom玩動輒要幾百蚊，一個月加加埋埋的洗費都唔少。其實政府全香港都有免費的玩樂室俾小朋友跑跑跳跳，位置多數係政府的體育館裏面，好似我哋之前都介紹過的坑口體育館遊戲室，肉丸朗都成日去玩。但除了體育館的遊戲室之外，香港中央圖書館 Hong Kong Central Library 2/F 有一個叫玩具圖書館的地方，有大量的玩具可以租借係現場玩，亦有好多具創意的自製玩具，肉丸媽媽想去好耐，今日終於安排到時間去啦。 不過係去之前，爸媽們記得要預早6日打電話 / 親身登記入埸時段，肉丸朗好好彩，我早一日打去都仲有位。 「遊戲在圖書館」由智樂遊戲協會2001年開始營運和管理，他們擅長將玩樂的點子帶入生活中，亦會用日常生活的物資帶入遊戲。今個冬天，他們將玩具圖書館變成冬日小鎮，其中肉丸朗最愛在珍珠棉舖成的白色雪地上拋雪球。亦有很多好有趣的場景，例如佈置閃閃聖誕樹、玩烘焙佳節美食，圍著熱鍋「品嚐」聖誕大餐等等。另有粉糰曲奇黏土遊戲， 可惜朗朗完全唔肯掂。場地亦有兩位智樂的職員哥哥姐姐主動同小朋友互動一下。最重要係所有活動完~全~免~費!!! 唯一唔好的地方係整個圖書館不准拍攝，我亦都未能夠影低朗朗玩樂的情況。 相信肉丸朗再大啲的時候，會玩得更加盡興，更能投入當中角色扮演的遊戲。 「遊戲在圖書館」之「冬日小鎮」 ※日期：即日起至2020年2月29日 ※時段：由早上10時至晚上8時45分，公眾假期至下午6時45分，星期三由下午1時開始；遊戲時段每節45分鐘，最後一節則長達1小時45分鐘，即10:00 至10:45，11:00至11:45，如此類推；每天另設清潔時間。詳情見附圖或點擊此連結 http://www.hkpl.gov.hk/…/about…/HKCL/TL_Timetable_201812.pdf 地點：銅鑼灣高士威道66號香港中央圖書館2樓玩具圖書館 參加方法：請在使用服務六日前親臨玩具圖書館或致電2921 0386 預約，每人每日可預約一節。 了解更多　https://www.hkpl.gov.hk/tc/about-us/HKCL/services/toy.html 預約專線：2921 0386 （上午10時後，星期三在中午1時後） Photo source : Playright Children’s Play Association 不准拍攝呀 發掘更多免費玩意 ???? 坑口免費兒童遊戲室 http://bit.ly/31op9Z5 西貢大坳門風箏區 http://bit.ly/2Bo0oBm 屯門黃金海岸 http://bit.ly/35qd9c8 西貢市中心 http://bit.ly/2M0Z25 馬鞍山泥涌石灘 http://bit.ly/36GTgxS 肉丸朗之快樂日常 肉丸朗渾身是肉，一個愛玩愛笑愛食BB。 有一對爸媽帶佢玩遍世界 。 ????即like我地有更多玩樂情報▪BB食譜▪教養學習 https://www.facebook.com/happybabylong Follow ig :happybabylong 鍾意就更新，更多肉丸朗朗生活片段