2)創價-九龍塘名卷幼，happy school   今日就講下另一個九龍塘卷校-創價，呢間出名係好多人考ge happy school,據聞今年5000人考200個位，呢間係萬萬都估唔到肥豬明竟然都offer 以咁多人考黎講，安排得好好，一d都唔混亂，只要指定時間早小小就okay,而且早左到放心佈置左大禮堂好似playhouse咁，小朋友絕對會鐘意   而試只有一round，以家庭形式面試   面試過程 到時間會叫名入房，有兩個老師，一張小朋友椅喺中間，兩張大人椅夾住佢，一開始會砌積木叫小朋友疊高，會問叫咩名，之後會比幅圖，今次係公園畫面，一開始會係簡單問題，例如問小朋友見到有冇單車？指出黎，問幾個之後會問有冇人玩緊波（圖中係有波但冇人玩），肥豬明答佢有波但冇人玩緊，之後會再問有幾多花（即要要數數） 同時都會問家長，問問題冇咩特別，一樣係教學理念，點解簡呢間學校，覺得小朋友有咩優點缺點同埋邊個湊，親子時間點過？我同肥豬明爸爸都早有準備，講有時間會多同小朋友去睇大自然，等佢將平時親子閱讀書本知識實體化，湊方面，可能因為我係全職媽媽，所以佢問左好多肥豬明作息ge問題，睇爸爸媽媽有幾了解小朋友，面試就完號，大約係15分鐘。一樣記住要拍番好椅同講byebye呀！   TIPS 我同肥豬明爸爸都覺得呢間學校好重親子關係，同要求好了解自己個小朋友，注意因為唔係催谷學校，比起私校相對學術一定淺dd,.但近年加深左，加多左認字，所以話到小學，如果唔係DGJS果d都夠用，不過上小學一開頭當然要適應下功課考試，因為幼稚園冇，但聽d用家都話過左一個學期就冇野，要細心諗清楚小朋友性格去做選擇呀:)   聽日會係另一間都叫龍校啦，民生，聽日見 Please feel free to leave comment. Follow ig: hera_ip