遲來的同大家講聲MerryChristmas   係聖誕節當天，我地同班朋友一齊去左元朗食tea，再揸車去下白泥睇 日落。 夜晚就去左屯門 富泰燒烤樂園 bbq，呢度絕對值得推介俾大家。   我哋聖誕節正日成人＄180，開爐費＄60，不限時，任食，飲品一人一支水+一罐飲品，未夠100cm嘅小朋友無需收費。 每枱會提供一卷厠紙同一包炭。   第一個讚位：呢度並不是提供一次性的膠碟叉，咁又可以為環保出一分力   第二個讚位： 平時好多間bbq場都只係會供應一樽蜜糖， 用曬就要自己再買， 而佢呢度係出去拎個碗， 要幾多蜜糖就自己倒落碗度， 用曬又可以出去再繼續拎。   第三個讚位： 呢度啲麵包亦係自己出去夾， 唔會話限住一張枱畀一包之後就要再買。   第四個讚位： 除咗丸類同蔬菜之外， 所有肉類全部都係獨立包裝， 夠曬衛生   第五個讚位： 場內有個小型sir滑梯， 一啲付費嘅攤位遊戲， 好似賽車同撈金魚..... 仲有一兩部夾公仔機，完全係適合埋小朋友去。 另外仲有個好大嘅 彈床區， 但呢個就要付費，＄120 任玩。 不過軒軒未夠大去玩   第六個讚位： 呢度啲嘢食唔算太重味精， 食完唔會覺得太口渴（純粹分享個人感覺）   地點亦都好方便， 就係屯門富泰邨附近， 揸車去嘅話入面都有個頗大嘅停車場， 如果黎bbq可以free parking。   老公不斷話一定要再encore去呢間     我地仲有抽禮物，分別抽中左以下兩份，都好實用阿                   產品試用/活動邀請/其他合作 歡迎聯絡：tanleesharon2004@yahoo.com.hk 謝謝 軒軒與小小b facebook page http://www.facebook.com/leessssfamily