11月尾去咗大阪+京都, 0個段時間, 大阪ge天氣, 都係多雲, 溫度介乎10-20度-_-|| 好大的溫差啊... 帶咩衫好呢...... 又要靚, 又要暖, 又唔好咁累贅... 以前聽過洋蔥穿搭法, 但原來已經進化咗, 最新ge係玉米穿搭法~ 一於一次過研究晒2個著法,  睇吓邊個方便又暖D~!   洋蔥穿搭法 - 層層保暖 底層: 保暖內衣(要排汗同透氣呀) 中層: 保暖衣服, 最好係抓毛, 羊毛 (純保暖, 非擋風) 中層2(可略): 衛衣 面層: 防風為主, 最好外層防埋水, 裡層多數係抓毛, 如果堅凍可以係羽絨加防水防風面料   玉米穿搭法 - 外厚內薄 底層: 發熱內衣, 有分厚薄, 有D有絨毛裡, 就勁抽暖, 例如Uni_lo 0個隻extra warm, 前年冬天同老公去東京拍拖已經夠頂 中層: 普通舒適ge面衫就OK, 不用特別保暖 面層: 冚埋patpat的大褸, 最好包埋頸, 要擋到風, 防埋水就perfect池~   如果for大人ge話, 我今次會選擇玉米穿搭法~ 因為我要影靚相靚相靚相~!!! 但比米豬, 我就揀洋蔥穿搭法, 事關呢個世界上, 有一種凍, 叫做"阿媽覺得你凍"   5日行程, 數吓要帶咩先~~ 1. 5件heat tech 2. 1件羊毛背心底衫 3. 4件抓毛底衛衣 4. 4條厚長褲, 其中一條仲要抓毛底 5. 毛毛底棉褸一件(大阪著) 6. 羽絨一件(京都著)   米豬的褸ss 灰色0個件毛毛底棉褸响香港完全夠頂~ 7. 睡衣一套 有冇發現漏咗D咩? 係底衫...... 訓覺時都出汗出得勁, 著heat tech實熱醒, 結果唯有朝朝出門口前洗咗睡衣件底衫佢, 夜晚返嚟又著返XD 頭幾日响大阪, 其實都夠頂啊~ (落到市區時12度)   我地著普通衛衣上機, 落機前我著返條legging, 又同米豬換咗件heat teah底衫, 到過晒關米豬就訓咗, 所以淨係比咗張被仔佢响車冚住, 臨落車醒咗就著羽絨, 我就加件薄羽絨 (然後展開一段不停著褸除褸ge旅程)   米豬响大阪ge衣著係: heat tech+衛衣+棉褸 我响大阪ge衣著係: extra warm heat tech+薄上身衫+猄皮褸+薄scarf(襯衫only) 總之入室內就除啦~~  BB車很有用~! 一次放晒成家人ge褸, 唔駛手拎~! 响大阪好快樂地過咗2日, 件羽絨係落機0個晚著過, 之後都係著棉褸, day time仲有d見熱想除衫tim   米豬响京都ge衣著係: heat tech+羊毛底+衛衣+羽絨   我响京都ge衣著係: extra warm heat tech+抓毛底衛衣+厚褸+暖scarf(+戴咗十分鐘的冷帽)     然後, 去到京都睇夜楓就GG喇...... 件 羽 絨 唔 夠 頂 呀!!! 成晚不停扭計, 到我地行到二年坂龍貓店後, 諗住立即補給冷帽頸巾(媽媽有私心想米戴貓巴士頸巾) 但主子不停地: 唔要呢個!!! -_- 最後, 係我除咗我內膽件薄羽絨比佢, 嫲嫲除咗戴開0個條scarf比佢, 再加佢本身件羽絨先夠頂, 返到民宿已經2行鼻水X_X (已經的士來回)   可憐米豬被強行餵收鼻水葯+維他命C訓覺   室內都要著住我件薄羽絨背心, 凍凍呀~! 最後, 第2朝去金閣寺行程取消, 轉去錦市場附近買褸比米~ 因為之後入嵐山更凍啊~! 比我响ZARA搵到呢件中褸~ 可惜得返6歲size, 而老母認為"摺一摺個袖就著到啦~~" 就買咗 裡面有毛毛ga~~ 超暖der~!! 點解我知?   因為我有件同款ga囉XDDDDDDDDDDDD 幾難先有母子裝呀大佬~! 米豬話戴咗帽係食人花wo~~   米豬大阪京都之旅 飛媽媽 - 又執行李去旅行 - 咁凍點著好?   loading..... 飛媽媽 - 租BB車去旅行? 飛媽媽 - 大阪here we go~! 飛媽媽 - 拋夫棄子shop爆Akachan 飛媽媽 - 奈良小鹿初接觸 飛媽媽 - 終於去到海遊館 飛媽媽 - 京都 - 夜楓  飛媽媽 - 錦市場+嵐山小火車 飛媽媽 - 京都鐵道博物館   米豬豬的page~ 每日都update~  歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/