士多啤梨季節黎，週末帶菠蘿包去摘士多啤梨❤️ 最近菠蘿包公公發現呢間士多啤梨園， 就叫埋我地一齊去啦！ 菠蘿包見到就好開心咁即刻落田幫手搵靚既士多啤梨， 成個場都好大一有風吹就會嗅到香香既士多啤梨味， 我地摘左一磅多dd，70蚊約20粒左右， 場內有位置可以清洗士多啤梨， 正宗即摘即食， 粒粒都好甜入口即溶完全冇伏， 菠蘿包食完一粒要扭計食多粒XD 掛住食都唔記得影我地既成果， 己經食左一半先影呢張相。。 士多啤梨園係雲泉仙館隔離~ 摘完士多啤梨可以去雲泉仙館行下個中式花園， 呀菠蘿包哥真係好鐘意草地花草， 每次見到就會失控咁衝過去。 個景真係好靚~可惜菠蘿包己經無哂電無落地影相。 出番去停車場有個小型市集， 農夫們賣下有機菜~ 蜂蜜~蔬果~ 最開心就係菠蘿包又有得食又有得玩。   阿方士多啤梨自摘園 地址：粉嶺打鼓嶺坪輋路雲泉仙館後門（太歲殿）停車場側 電話：6436 1127 時間：不設固定開放時間，隨時可去 價錢：入場免費，摘士多啤梨一磅@$68