自從細細出世後就多番出街搵育嬰室這回事，因為bb要經常換片嘛， 尤其細細pat pat比較易紅     一次要去銅鑼灣利園三期拎野，拎完野後去幫細細換個片，發現呢度個 育嬰室幾靚 入面大到可以放三架bb車都得， 不過換片枱就只得一張， 所以每次其實都只可以一個bb用 入面仲有一間 餵奶房， 有一張梳化椅， 仲有埋暖奶器。 入面空間又係頗大， 相信推埋架bb車入去都冇問題         另外就係位於 沙田一田個邊，個邊從新裝修過哂之後都係近期先第一次去行。 食肆、 化妝護膚品店 係哂最高個層 中間個層就係各間賣bb小朋友 衫褲鞋襪嘅舖頭， 同埋一田商店 最底嗰層就係一田超市 今次去中間個層嘅育嬰室， 入面有三張換片枱， 有一部暖奶器 同一部濕紙巾機； 洗手盆隔離仲有部冷熱水機； 仲有床墊供應埋。 而係呢間換片嘅育嬰室對面， 就有兩間餵奶室， 我去嘅時候因為兩間房都有人用緊， 所以就冇睇到入面係點。         至於呢間都係喺沙田， 喺新城市廣場其中一層嘅（ 幾樓我就唔係太記得， 不過可以話畀大家知係係 Haagen Dazs 下面嗰層） 呢間都係只供應一組家庭用， 換片枱一張， 但張枱係超細， 細細就快五個月， 佢僅僅仲可以瞓喺入面， 再大啲都唔可以了 同樣都有一部暖奶機， 喺暖奶機隔離有張一人梳化位 可以餵奶用（ 我冇影到相）         希望以上資訊可以幫到大家啦               產品試用/活動邀請/其他合作 歡迎聯絡：tanleesharon2004@yahoo.com.hk 謝謝 軒軒與小小b facebook page http://www.facebook.com/leessssfamily