未試堂之前其實係菠蘿包媽係幾抗拒分離班， 因為菠蘿包表哥細個因為上左分離班後反而留左陰影同媽咪分離唔到。 但係聽取醫生&playgroup老師建議菠蘿包上分離班對發展遲緩有幫助就決定去試堂。 我搵番菠蘿包番playgroup既老師上分離班， 只有呢位老師先可以治到菠蘿包既臭脾氣， 可能係咁所以菠蘿包好中鐘意痴住呢位老師。 位於荔枝角嘅學校試堂當日老師教菠蘿包媽係熱身玩玩具環節同菠蘿包講多d媽媽一陣要離開，自己留係到上堂啦~媽咪唔可以留係到架，乖乖聽老師話，放學就會黎接你~ 可能聽到咁菠蘿包就開始大暴走要行出門口， 到夠鐘上堂家長們要離開， 拜拜完後菠蘿包就開始尖叫。 而離開個一刻呀媽就享受二小時自由既空氣， 去左餐廳嘆番個早餐????， 老老豆豆真係好擔心菠蘿包有無大暴走發脾氣喊唔停，點知係少年我想得太多， 負責人會間唔中sd 上堂情況既相比家長睇， 仲話佢無尖叫過呀，仲好乖咁上堂。 我當堂掉眼鏡。。。 全部都係呀媽我多心，                             上分離班唔只係小朋友學分離媽咪， 都係媽咪學埋同小朋友分離。   心裏面感嘆菠蘿包長大了，可以離開媽咪去番學。 之後收到好多菠蘿包上堂情況既相： 放學去接菠蘿包， 菠蘿包哥一見到我就喊了， 演技派代表XD 老師同我傾左菠蘿包上堂既情況， 結論就係上分離班仲好過上playgroup！ 上playgroup有爸媽係到所以有咩唔想做既指令用喊就得！所以番playgroup成日都喊。 但分離班就無爸媽係到，聽到唔想做既指令菠蘿包只係喊左幾聲就默默做指令。 老師話佢上分離班進步好多所以建議開始上分離班！             真係好感激菠蘿包遇到一位好好老師同錫佢嘅老師。 好啦！我地決定開始上分離班了！     忙碌嘅日子又開始啦！   好累一上巴士就訓左。 **醫生同老師建議上分離班其中個原因想佢追番遲緩，重點菠蘿包唔痴我所以上分離班無咩大問題。如果想考慮轉唔轉分離班既媽咪可以問下playgroup老師既意見先決定去唔去試堂~     學校資料：https://m.facebook.com/story.php?story_fbid=2818393214885540&id=1143138815744330&sfnsn=mo