BLW食譜：肉丸 整肉丸，通常我會整一星期既儲備，整好可以放入冰箱，每次拎2-3粒出黎整熟就可以做餸，一粒有齊肉同菜，再加埋飯波就可以成為一餐。 材料： 1。肉類：豬肉/雞肉/牛肉 2。蔬菜：甘荀/粟米/西蘭花/椰菜花/洋蔥/西芹/南瓜等等（唔容易出水既蔬菜） 做法： 1。用刀剁碎肉類（用攪拌也可）備用 2。將蔬菜切成小粒 3。將碎肉加入適量粟粉再混合蔬菜粒 4。手可以沾少少水得肉唔黏手將混合物搓成肉丸 5。將整好既肉丸放入冰箱定型，定型後就可以放入密實袋收藏 口味： 1.紫洋蔥甘荀椰菜花豬肉丸 2.粟米南瓜西芹雞肉丸 小tips： ⭐️豬肉推介：柳梅（比較淋身） ⭐️雞肉推介：無激素雞肉（Peggy媽媽一般會買s-pure雞柳） ⭐️食前取出蒸10-15分鐘至肉丸熟透（懶媽推介可以放上飯面蒸熟） ⭐️緊記要先獨立試左各樣食材先好混合，以免發現敏感時難以尋找致敏源 ************************** - Peggy媽媽與柏宇仔 - 90後全職媽媽，全職照顧柏宇仔，分享BLW、幼兒食譜、親子活動好去處、小手工、Ｍessy Play資訊。 想緊貼最新資訊,可以Like埋我既FACEBOOK啦! FB專頁:  https://www.facebook.com/PakyuBLWbb/ Instagram : http://www.instagram.com/ching_peggy/