Tea Time又來囉！ 我家小廚師都有幫手整埋一份架！ 你哋鐘唔鐘意食 #莎莉牛油蛋糕？！ 我細個嗰陣，超鐘意食蜜瓜味 (暴露年齡添，haha...)，可惜而家唔出lu (>.<)。 不過原味我都鐘意食^^ 趁住唔洗督手指，就放縱一下，食一件咁多啦！   ▲**我家用緊美的嘅MKM45多功能食物料理廚師機**   材料: 1. 無鹽牛油 100g 2. 低筋麵粉 150g 3. 泡打粉 1/4茶匙 4. 糖 80g 5. 牛奶 160ml 6. 雞蛋 2只 7. 鹽 1/3茶匙   做法: 1) 預熱小P/ 焗爐180度。 2) 無鹽牛油室溫放軟後，與糖及鹽一併放入廚師機的盤內 , 以3段速打發至奶白色 (可改用電動打蛋器) , 再分兩次加入蛋液，以4段速打發勻 (可改用電動打蛋器)。然後分兩次篩入低筋麵粉及泡打粉，以刮刀輕拌至無粉粒 , 再加入牛奶拌勻成麵糊。 3) 將麵糊倒入器皿內至8分滿，放入小P/ 焗爐180度焗20分鐘，取出，以小刀輕輕在蛋糕面界一刀，再放回小P/ 焗爐焗多25分鐘，完成。   notes:- 1) 每個焗爐爐溫有差別，請自行調節溫度及時間。     #Midea多功能食物料理廚師機 #MKM45 #30個月保養 #mideahk