由於之前停課關係，原定11月尾舉行ge面試順延到今日見，今日終於同肥豬明黎到被稱為女神龍校-聖保祿幼稚園喇 聖保祿幼稚園（位於銅鑼灣禮頓道，傳聞有80%+學生上到直属小學及中學，但要留意，幼稚園係有收男仔ga，只係冇小學連接所以多數都係女仔考） 面試模式（只有一round,據聞 call waiting會有再2nd in 學生） 面見信都係叫早10分鐘到就可以，同樣係冇特別設施比小朋友warm up,所以唔好太早到，以免影響情緒。 學校只比一個家長陪同入內，入到去操場已經分好哂時間，一slot一slot,過程都好smooth,每slot會叫去大房check文件對名，之後就上課室喇。 Part1 入第一間房小朋友同家長會被安排坐低睇書，大約5-6組啦，每一組會有一本書比家長同小朋友做親子閱讀，老師會從旁觀察，最後行埋黎傾幾句，問小朋友叫咩名，過程太約10分鐘。 Part2 完左第一part,會去隔離房，呢一part家長門口等，小朋友自己入去ga,太約過程6-8分鐘左右，肥豬明第一個笑笑口走出黎，但係我問佢玩咩，佢只係話玩積木同傾計，原諒佢始終係6月中bb,講唔到好詳細，之後就有張通告話比大家知幾時出結果，就可以走喇。 整個面試過程好有系統同smooth,如果肥豬明有幸有offer我就話比大家聽啦。 Please free feel to leave comment:) Please follow ig , hera_ip