呢排天氣清涼，又唔會太凍，最適合一家大細去燒烤~ 早前Nat媽媽就同埋屋企人去咗龍鼓灘海邊BBQ 燒烤 場內有玩樂設施，地方乾淨企理！我哋坐喺海邊位置，感覺唔錯!   我哋去嘅時間接近黃昏，趕得切睇日落～ Natalie仲係龍鼓灘海邊玩左一陣，呢度啲沙係黑色㗎! (記得帶多套衫替換‼️) 之後就入去燒烤樂園睇吓有咩玩，入面有遊樂場嘅設施，亦可以俾錢跳彈床、租單車、租羽毛球等等。 彈床唔係好大座，但勝在人少少，$30 一節可以跳20分鐘，Natalie Nathan都跳到顛晒!! 之後再去sir吓滑梯，跑跑跳跳，玩到肚餓先開始燒嘢食~ 嘢食係任食嘅，食物選擇多，味道唔錯！食幾多拎幾多，唔好做大嘥鬼 必食各款燒雞翼，燒漢堡扒夾麵包都唔錯~ 佢最近仲有啲免費親子工作坊，齊齊整蘿蔔糕，有得玩有得食！免費親子工作坊日期時間如下： https://www.facebook.com/404602932940651/posts/2768656146535306?d=n&sfns=mo 唔同日子唔同收費，唔限時全日任燒： http://www.yl.hk/hb-bbq/i_price.htm 要去玩去BBQ記住預先book呀: https://api.whatsapp.com/send?phone=85256011002 交通： > 揸車就有免費泊車 > 搭車就喺屯門站/屯門市廣場搭K52去龍鼓灘總站落車 #親子活動 #親子好去處 #bbq #燒烤 #不限時 #任食 #親子blogger