很多人也認為，湊住小朋友很難找到好東西吃，也很難大快朵頤。事實上，由小乳豬出世那日開始，乳豬媽媽暗自立志要帶住小乳豬去食盡天下美食！   今次豬媽就去左沙田石門站新開的帝逸酒店食自助午餐，(ALVAHOUSE）酒店於2019 年尾開業的，但自助餐非常難訂枱，建議提早訂位。  酒店交通由石門站步行只需8分鐘，天氣好的日子還可以，但大熱天時又或者落大雨就麻煩一點，路面大部分都無遮無掩。另外，酒店有接駁巴士提供，但班次疏落，又不確定在甚麼位置上車，由於我帶住個細，去程由石門站行過去，回程的時候就搭的士了。 順帶一提，食滿$500 可以免費泊車1小時，$1000 就兩小時。  酒店裝修簡潔，自助餐樓層設有育嬰間，帶住小乳豬吃飯真方便。自助餐設有兒童坐椅，可自行調節高度和角度，既使小朋友眼訓，也可直接在椅子上睡，對於沒有嬰兒車只靠嬰兒背帶出街的小乳豬就非常合適了！ 回本位：即開美國生蠔！很少酒店的午餐有生蠔供應的，每次排隊會分配兩隻，幸好當天不算太多人排隊，生蠔的大小適中。相比同樣有生蠔提供的帝京酒店自助午餐，這個的生蠔大很多。 特色位：成個燒味部擺哂出黎比你食，有乳豬、燒鴨、油雞、灼墨魚、老水豆腐，仲有乳鴿。 海鮮：魚生有基本既三文魚，八爪魚，鱆紅魚等；冷盤有龍蝦鉗，青口，扇貝，龍蝦鉗食哂之後會出凍蝦。 甜品方面有各式蛋糕，朱古力蛋糕很濃味。值得一提酒店有自家製意大利雪糕，血橙味很清新，牛油果味很滑，榴連味落足料，朱古力味好香濃！（事後聽友人提起可以問員工拎Movenpick架！) 飲品方面擺左部咖啡機出黎，你可以來杯CAPPUCCINO、LATTE 、奶茶檸茶檸水自己調教。特色飲品柑吉檸檬水可自由添飲。 小乳豬之選：第一次食乳鴿，比左隻脾佢，食得好開心，又食左魚柳，生果方面食左西瓜和火龍果。 埋單有恆生信用卡，有優惠，成人連埋加一 只係＄255, 值得再去食多次！(但個期真係好滿)  乳豬媽 帝逸酒店「回味香港情懷」自助午餐優惠: 2020年1月2日至1月31日 https://www.alva.com.hk/tc/offers-detail/alva-house-nostalgic-hong-kong-flavours-lunch-buffet.html  ——————————————————— ❤️入嚟睇下Facebook,有很多親子資訊和活動： http://www.facebook.com/sunflowerkidshk 記住按 Following 按鈕或比個 like 支持下 Facebook社團: https://www.facebook.com/groups/1365349936980781/ ——————————————————— ✨想了解多D，記得Follow我地IG： https://www.instagram.com/sunflowerkidshk ——————————————————— ♥️更多詳盡內容，可收看youtube 頻道 https://www.youtube.com/channel/UCfr6lv7FwigLANwaomt-Fqw #sunflowerkidshk #陽光孩子 #帝逸酒店 #自助餐 #午巿自助餐 #生蠔自助餐