#親子活動好去處 成日燒嘢食都係一班人圍住個爐會唔會有啲悶呢？ 話說隊友係海鮮愛好者，食海鮮最緊要新鮮！早排俾佢知道呢度有得即釣即燒大蝦，一於約埋朋友仔同埋大小公主一齊嚟呢度試吓先！ 話說小朋友唔夠100cm免收費，所以大小公主都免費，不過佢哋每人照樣都有一杯雪糕送，開心死大公主，佢當晚一個人食咗三杯雪糕、兩隻自制香蕉船 一入去成個感覺完全唔似去咗燒烤場，長方檯設計不單止可以擺到baby chair，每張檯更有獨立可伸縮抽煙喉，唔怕啲煙四圍飄。佢嘅燒烤爐設計啱哂要照顧小朋友嘅家庭，大部分食物都已經用竹簽串起，所以一串串放上網燒好方便！其中佢哋嘅秘製一口牛更加用咗燒烤爐嘅串串吉住，一卡上去個爐度仲會自己轉住燒添，相當貼心❤️ 成個流水燒蝦場非常乾淨，啲嘢食選擇又多又相當新鮮，完全係超水準嘅任食燒烤! 當然不得不提主角-流水蝦啦！每一檯旁邊就係流水道方便各位夾蝦蝦。 一夾上嚟浸浸冰水再放上網燒，夠哂新鮮爽口。 平時響街市見嘅活蝦多數都係撈上嚟，今次想有蝦食就要睇你夾唔夾到喇。溫馨提示： 眼明手快???? 因為啲蝦會彈走得好快 本來諗住年三十再同屋企人去多次，點知佢哋農曆新年假期放假啊！ 想去試記得預先訂位啊！ 如果想知道更多燒蝦蝦詳情？可以響FB page留言 「笑蝦蝦」等我話你知啊 預祝各位嚟緊米奇年一年到晚都笑蝦蝦 =D