上星期，我地一家人又上咗昂坪市集玩喇，今次嘅農曆新年佈置，以卡通片《We Bare Bears》為主題，三隻熊熊著上新年服飾，好有氣氛，等我介紹一下每個必到打卡位啦。       步出纜車，就係圓形廣場嘅 We Bare Bears「熊運滿堂」，有大佬棕熊手持醒獅，二哥熊貓變身為月老，及三弟北極熊亦化身成財神。仲有許願井，中間嘅全盒放滿大大粒開心果、大桔。           沿住市集行，一路上桃花處處，就見到 We Bare Bears 層層疊同埋金色小福鼠，咁可愛，個個爭住影相呀！           到達「熊熊許願館」，不能錯過館內嘅個打卡行運位，有風車陣、天燈等，而館外有個「菩提許願亭」，於昂坪360指定店舖消費滿指定金額，就可以掛上許願牌，寫低你嘅新年願望。               影咗咁多相，只需要將任何「熊熊」合照上載至個人社交網站，就可以參加大抽獎，大獎包括 iPhone 11、Canon 相機及任天堂 Switch 遊戲機等。另外，初一至初六更有多場舞獅表演。一於趁新春假期，一家人上黎慶賀新年啦。       **順帶一提，呢條彩虹樓，都係昂坪嘅打卡熱點呀。     ============================== 昂坪360× We Bare Bears 熊來運到360 日期：2020年1月16日至2月23日 時間：星期一至五 10am-6pm 周末及公眾假期 9am-6:30pm 年初一至四 (1月25至28日) 9am-8pm 地點：昂坪市集   更多活動詳情可參考???? http://bit.ly/2RkCwWZ