好耐無去過呢啲地方食tea，雖然我帶住細細一齊，不過都可以同朋友坐左接近一個半鐘吹下水hea下   我地正值三點去到，係超級少人（平日嘛～） Tea set有幾款，包一杯咖啡或茶，凍飲加錢，有部份飲品可以半價，不過milkshake就無得半價（本身想試架）   熱綠茶牛奶：朋友飲嘅，佢話都充滿抹茶味，拉花仲好靚 凍朱古力奶：除cream之外，仲有一粒棉花糖，甜度適中 兩杯飲品賣相都好靚添 野菌炒蛋牛角包：牛角包就不嬲點都好食架啦佢個野菌炒蛋都好適合小朋友食阿，清清地帶番食物本身嘅味道，配合埋一齊好味 好多媽媽都好怕小朋友食街外野太多味精，呢個就唔怕啦 仲有小小沙律菜隨碟附送上，夠哂green   親眼所見餐廳嘅bb椅有最少五張，又有啲梳化位，坐得都好舒適架   順帶一提：餐廳後面就有toilet ，仲有埋育嬰室架。   地址：元朗元龍街9號形點一期地下G002號鋪         食完tea想搵雪糕食下，去左試呢間 Mamma Mia Gelato 。   超多款揀分左兩邊：一邊低糖、一邊無糖（健康族岩哂）   同朋友各買兩球share  strawberry cheesecake（低糖）：夠fresh，帶少少酸似yogurt，呢個真心推介 Tiramisu （無糖）：因為係無糖關係，所以都偏苦 green tea（無糖）：抹茶味適中， 唔會苦到澀 Dark chocolate （低糖）：因為我好中意食朱古力味雪糕，所以我自己私心一定話正   可以選擇杯裝或者cone都得， 不過略嫌個杯如果放兩個球就太細   地址：元朗朗日路8號形點二期2樓K2g號鋪                 產品試用/活動邀請/其他合作 歡迎聯絡：tanleesharon2004@yahoo.com.hk 謝謝 Fb: [http://www.facebook.com/leessssfamily]