趁住和牛爸爸生日，借花敬佛氹下和牛B開心。 又訂咗「迪士尼探索家度假酒店」住返晚，講返香港迪士尼嘅職員真係好貼心。 我哋係「奇妙處處通會員」我亦知道最近有一個「生日正日禮遇」，於是當日訂房嘅時候，我都同職員了解咗個分別。 最後，職員都係建議我揀返使用金卡會員優惠(85折)仲抵玩。   每次訂房，都會由最低價錢「標準客房」免費升級至豪華客房。 今次一家三口入住，加埋會員優惠折實價錢$2,000都唔洗就住到一晚。 仲可以享用晒三間酒店嘅設施，抵玩呀!! 但留意，價錢並唔包括酒店入面嘅餐飲。   如果係揸車人士，機本上入住酒店，酒店都會提供一張通行證。 只要將通行證放喺車頭當眼位置，就可以免費穿梭往來3間酒店及泊車。   而酒店Check in時間為下午3時，我哋上午就先到香港迪士尼樂園玩，玩夠再揸車過去酒店。   本篇主要介紹「迪士尼探索家度假酒店」設施及康樂活動，下篇就會重點介紹餐飲美食及香港迪士尼樂園部分新春環節。       「迪士尼探索家度假酒店」正門位置   「迪士尼探索家度假酒店」大堂超寬敞，探索歷險嘅感覺，旅程快要正式開始啦~~   大堂登記房間位置，空間都足夠，當日人流唔算好多。 所以，都唔需要點等就已經安排好。   登記好，就收到2張房卡。   另外仲有一套精美小禮品及優惠禮券。     內附一張收集蓋印卡，到酒店搜集蓋印，完成後可到大堂登記處領取精美小禮品。   ^ 精美小禮品。   酒店出售嘅限定版米奇，房間亦有升級主題服房Duffy / Toy Story主題($499)     **酒店房間退房時間為第二日上午11時，可向職員要求延遲退房至中午12時正，一般都能夠安排到。   大堂娛樂區，大人登記酒店房間嘅同時。 小朋友可以安座娛樂區睇迪士尼卡通片解悶，消磨時間。   酒店升降機大堂   升降機內面係熱氣球主題   酒店房間樓層   酒店房間「豪華客房」(園景)     好開揚嘅梳洗位置     兒童友善設施，附有一張矮櫈仔方便小朋友企高洗手。 房間亦有兒童拖鞋~   ^ 個人衛生用品     ^ 茶水間位置，另有兒童杯、電熱水壺     ^ 窗外園林景色   迪士尼探索家度假酒店內嘅設施，花園。一大片草地，可以讓小朋友盡情放電。       仲可以放空，影下相睇日落，真係唔錯嘅好地方!       酒店6樓樓層有一個影相靚位，吊橋~     免費與迪士尼好友見面嘅活動，首先同演藝人員一齊跳舞玩遊戲。     稍後就有驚喜嘅迪士尼好友現身同大家影相留念玩遊戲。   我哋好好彩，又係遇到高飛呀~   【海底奇兵小天地】(兒童遊戲室) 位於迪士尼探索家度假酒店嘅「海底奇兵小天地」，進入遊戲室必須穿著襪子及消毒雙手。       有滑梯、繩網陣、電影放映會、幼兒玩具等。         留意酒店康樂活動時間表，仲有不定時舉行嘅手工班。     【香港迪士尼樂園酒店】 酒店康樂活動之一，於「香港迪士尼樂園酒店」早上9時進行嘅高飛師父太極班。     和牛B係高飛迷，所以一定會去跟高飛學下太極~ 一齊耍完太極，仲可以同高飛影相留念。     「迪士尼冬日樂繽紛」戶外活動，都係酒店住客免費康樂活動之一。 空間超大，小朋友可以任玩場內嘅遊戲。     有充氣城堡彈床、怪獸公司充氣彈床、幼兒滑梯玩具區、小小過山車等。       有職員陪住玩，我哋家長可以坐喺一旁望住小朋友玩就得。   ^ 和牛B玩得超開心呀!       因為係戶外活動，酒店亦非常貼心準備防蚊用品。     仲有飲品可以購買     進行完戶外活動，又返返去室內。同樣都係位於「香港迪士尼樂園酒店」入面嘅童話天地。     入面幼兒玩具比較多，亦有電影放映區。       而童話天地內，亦設有手工時段。(詳情請參閱樂園康樂活動時間表)     【迪士尼好萊塢酒店】 繼續都係酒店康樂活動之一，高飛迷必去嘅活動「高飛早晨影院」。 有小遊戲玩換禮物之外，仲可以同高飛一齊睇電影同埋影相留念。       位於「迪士尼好萊塢酒店」範圍內嘅戶外公園設施，係唔錯嘅放電位。       另外，戶外區仲有唔少影相靚位~     「迪士尼好萊塢酒店」必影靚位!     戶外區仲有住客專享嘅免費康樂活動~     只要登入下列網址，就可以睇晒3間酒店嘅資料(包括餐廳、娛樂設施、酒店指南等) https://www.hongkongdisneyland.com/hotel-info-page/index.html?page=del   而呢到就有齊晒3間酒店嘅康樂活動時間表，追晒3間酒店嘅活動都已經足夠玩足一整天!! https://www.hongkongdisneyland.com/hotel-info-page/pdf/common-recreation.pdf     對上一次住，都無玩盡樂園嘅康樂活動，今次追住佢哋時間表去玩。真係超充實、超忙、超開心、超攰呀!!   但當我去完呢次旅行之後，上網就見到香港人最新優惠…【迪士尼酒店「食、住」歎優惠套票*】  香港居民只需於1月17日至2月13日預訂優惠套票，即可以低至港幣$1,190入住迪士尼荷里活酒店或香港迪士尼樂園酒店標準客房一晚* 盡享$300酒店餐飲消費額！   https://x.hkdl.hk/2tn2kdj    *入住日期為1月18日至3月31日，優惠受條款及細則約束  ** 部份活動另需額外收費，日子詳情可向演藝人員查詢   -------------------------------------------------- 歡迎聯絡我&和牛B: chungying56@hotmail.com Facebook專頁: 和牛B嘅成長專頁 Instagram: wagyubmami                -------------------------------------------------- 姊妹合作**Precious M accessories** 利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。